![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7c/NAMA_Triade_%25C3%25A9leusinienne.jpg/640px-NAMA_Triade_%25C3%25A9leusinienne.jpg&w=640&q=50)
Triptólemo
Semideus grego / From Wikipedia, the free encyclopedia
Na mitoloxía grega, Triptólemo (en grego antigo Τριπτόλεμος) era un semideus e un heroe, relacionado coa Deméter dos misterios eleusinos que perduraron no mundo grego e romano ata a era cristiá. Está considerado como fillo do rei Céleo e da raíña Metanira, pero outras fontes fano fillo de Eleusis e Deméter ou fillo de Xea e Océano (outro xeito de dicir que era o «home primordial»).[1]
![Thumb image](http://upload.wikimedia.org/wikipedia/commons/thumb/7/7c/NAMA_Triade_%C3%A9leusinienne.jpg/640px-NAMA_Triade_%C3%A9leusinienne.jpg)
Aprendeu de Deméter a arte da agricultura e á súa vez ensinóullela ós gregos. Deméter, agradecida pola hospitalidade recibida por parte dos pais de Triptólemo, deulle un carro tirado por dragóns alados e un saco de trigo, e Triptólemo, remontándose sobre os aires, sementou con el toda a terra habitada.
Pero parece que a idea non foi ben recibida en todas partes. Carnabón, rei dos xetas (unha tribo tracia que vivía onda a desembocadura do Danubio) matoulle un dos dragóns, que axiña foi substituído por outro grazas a Deméter. Na cidade de Patrás, Antias rouboulle o carro e os dragóns mentres Triptólemo dormía, pero non os puido dominar e morreu ó caer do carro.
Por veces, Triptólemo aparece como xuíz no Hades, xunto a Minos, Éaco e Radamantis.