Trasestrada, Riós

Santo Estevo de Trasestrada é unha parroquia do concello de Riós. Segundo o IGE,^[2] en 2023 tiña 249 habitantes (124 homes e 125 mulleres). Ten dez entidades de poboación.

Trasestrada
Igrexa de Santo Estevo e reitoral da Chaira
Concello	Riós[1]
Provincia	Ourense
Coordenadas	41°59′56″N 7°18′55″O
Poboación	249 hab. (2023)
Entidades de poboación	10[1]
[ editar datos en Wikidata ]

Xeografía

Trasestrada sitúase no fondo dun val fluvial formado polo río Lamas e os seus afluentes (principalmente o río da Veiguiña).

Topónimo

O nome de Trasestrada parece facer referencia á proximidade do Camiño Real entre Castela e as Rías Baixas. Tamén se especula que poida gardar relación coa vía romana que pasaba por este territorio.

Economía

As actividades económicas principais son o cultivo da pataca, do millo, antigamente do trigo e da cebada, os castiñeiros e as touzas. Tamén se practica a gandaría, especialmente a bovina (en tempos houbo unha extensa gandaría lanar). O cultivo do liño, frecuente aínda a principios do século XX, está desaparecido.

Patrimonio

A igrexa de Santo Estevo de Trasestrada posúe un gran retablo barroco, realizado, segundo consta nunha inscrición do ano 1746, sendo abade o licenciado Luis Cobelas. Destacan as tallas de anxos e motivos vexetais, ademais das imaxes de Santo Estevo e Santa Tareixa, á que tiñan gran devoción os membros da casa nobre de Alba, da que dependía a igrexa.

Segundo Pérez Costanti, o escultor Alonso Martínez realizou en 1602 un retablo para esta parroquia, e unha imaxe da Virxe, hoxe desaparecidos. No museo do bispado de Ourense pódese admirar unha imaxe da Virxe con neno Xesús procedente desta parroquia. Proba da riqueza que recibiu é a abundante ourivaría, na que destaca a cruz procesional, feita no ano 1807 polo prateiro Ortiz.

Lugares e parroquias

Lugares de Trasestrada

Lugares da parroquia de Trasestrada no concello ourensán de Riós
Cortegada | Domiz | A Eirexa | Mirós | Pedrosa | San Pedro de Trasverea | Sarreaus | O Souto | Valfarto | A Veiguiña

Parroquias de Riós

Galicia | Provincia de Ourense | Parroquias de Riós
Castrelo de Abaixo (Santa María) | Castrelo de Cima (Santa María) | Fumaces e A Trepa (Santa María) | O Navallo (San Vicente) | Progo (San Miguel) | Riós (Santa María) | Rubiós (San Pedro) | Trasestrada (Santo Estevo)

Notas

1. Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
2. "Instituto Galego de Estatística, consulta do nomenclátor". Xunta de Galicia.

Véxase tamén

Outros artigos

• Lugares de Riós