Thai Airways International
From Wikipedia, the free encyclopedia
Thai Airways International Public Company Limited (THAI) (en tailandés: บริษัท การบินไทย จำกัด (มหาชน)) é a aeroliña nacional de Tailandia, ademais de ser a máis grande do país. Formada en 1988, a compañía ten a súa sede corporativa no distrito de Chatuchak, en Bangkok, e opera principalmente dende o aeroporto de Suvarnabhumi. THAI é un dos membros fundadores da alianza de aeroliñas Star Alliance. A compañía é o principal accionista da aeroliña low-cost Nok Air, cun 49% das súas accións, e creou unha aeroliña rexional baixo o nome de Thai Smile a mediados do ano 2012, usando novos Airbus A320.
Thai Airways International | ||
---|---|---|
IATA TG | OACI THA | Indicativo THAI |
Fundación | 1 de maio de 1960 (fusionada con Thai Airways Company o 1 de abril de 1988) | |
Aeroporto principal | aeroporto de Suvarnabhumi | |
Plan de voo frecuente | Royal Orchid Plus | |
Alianza | Star Alliance | |
Subsidiarias | THAI Smile Nok Air | |
Frota | 91 | |
Destinos | 75 | |
Páxina web: http://www.thaiairways.com/ |
Dende o seu centro de operacións no aeroporto de Suvarnabhumi, THAI voa a 75 destinos en 35 países, usando unha frota de máis de 80 avións. A aeroliña chegou a operar dúas das rutas sen escalas máis longas realizadas, entre Tailandia e Os Ánxeles e Nova York, pero debido aos altos custos do combustible e a retirada de avións a compañía abandonou todos os seus servizos sen escalas cara aos Estados Unidos en 2012. Na actualidade, os voos entre Bangkok e Os Ánxeles fan escala no aeroporto de Incheon, preto de Seúl. A rede de destinos de THAI está dominada por voos cara Europa, e o leste do suroeste de Asia, aínda que a aeroliña tamén voa a Johannesburgo e a cinco cidades de Oceanía.