From Wikipedia, the free encyclopedia
O 6 de febreiro de 2023, un terremoto con múltiples réplicas golpeou o sur e centro de Turquía e o norte e oeste de Siria.[1][2] Ocorreu a 34 km ao oeste da cidade de Gaziantep ás 01:17 UTC, cun máximo na escala de Mercalli de XI (Extremo), e unha magnitude de polo menos Mw 7,8. O terremoto provocou danos xeneralizados e milleiros de mortos.
Foi o terremoto máis mortífero e forte en Turquía dende o terremoto de Erzincan de 1939,[3] da mesma magnitude, xunto co que é o segundo máis forte da historia do país despois do terremoto de Anatolia do Norte de 1668.[4] Tamén foi o terremoto máis mortífero que afectou a Siria dende o terremoto de Alepo de 1822, un dos terremotos máis fortes xamais rexistrados no Levante e o terremoto máis mortífero en todo o mundo dende o terremoto de Haití de 2010.[5][6] Sentiuse e causou danos estruturais até Israel, Líbano, Chipre e a costa do Mar Negro de Turquía.[7]
O terremoto tivo máis de 1 000 réplicas, incluída unha infrecuentemente poderosa de Mw 7.7 nove horas despois do sismo principal.[8] Até o 12 de febreiro notificáronse máis de 34 000 mortes; 29 000 en Turquía e 5 000 en Siria.[9][10] A Organización das Nacións Unidas teme que a cifra sexa o dobre da actual ou máis.[11] Unha gran tormenta de inverno obstaculizou os esforzos de rescate, deixando caer neve sobre as ruínas e provocando unha caída en picado das temperaturas.[12] Por mor das baixas temperaturas na área, os sobreviventes, especialmente os atrapados baixos os cascallos, correron un gran risco de hipotermia.[13][14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.