Terceiro Templo de Xerusalén
From Wikipedia, the free encyclopedia
Desde a destrución do segundo templo de Xerusalén no ano 70 dC, os xudeus rezaron para que Deus permitise a reconstrución do terceiro templo. Esta oración foi parte da tradicional oración que os xudeus realizan tres veces ao día. A pesar de seguir sen contruirse, a idea e o desexo dun terceiro templo é sacra para o xudaísmo, sobre todo para o xudaísmo ortodoxo, como un lugar de culto non realizado. No Tanakh, os profetas piden a súa construción para que sexa construído na era mesiánica.
Existen en diversas fontes planos realizados polos antigos xudeus para a reconstrución do templo, especialmente nos capítulos 40-47 do libro de Ezequiel (a visión de Ezequiel é anterior á construción do segundo templo) e o manuscrito do templo descuberto en Qumrán entre os manuscritos do Mar Morto. Con todo, nunca chegaron a ser utilizados.