xogo de ordenador From Wikipedia, the free encyclopedia
Syberia é unha videoxogo de aventura gráfica desenvolvido por Microïds en 2002. Creado polo debuxante de cómics Benoit Sokal, centra a acción do xogo en Kate Walker, unha avogada nova que traballa para unha compañía de xoguetes de Nova York. Ten unha secuela, Syberia II, lanzada no 2004.
Syberia | |
---|---|
Desenvolvedor(es) | Microïds |
Distribuidora(s) | Microïds Microïds The Adventure Company |
Deseñador(es) | Benoît Sokal |
Motor | Virtools Engine 2.1 |
Lanzamento | 9 de xaneiro de 2002 |
Xénero | Aventura gráfica |
Modos de xogo | Un xogador |
Clasificación | PEGI USK |
Plataforma(s) | Windows PlayStation 2 Xbox Windows Mobile iOS Nintendo DS Android macOS |
Formato(s) | 2 CD-ROMs (WIN) 1 DVD (PS2), (Xbox) |
Na rede | |
https://www.microids.com/game-syberia/ | |
[ editar datos en Wikidata ] |
A acción comeza nos Alpes franceses onde Kate ten que se reunir con Anna Voralberg para tratar de mercarlle a súa fábrica pero morre antes da súa chegada polo que ten que busca-lo seu irmán, que leva desaparecido trinta anos, para consegui-la súa sinatura polo que debe percorre-lo mundo enteiro.
Syberia foi un éxito comercial.[1] Segundo Cedric Orvoine de Microïds, o xogo superou as 225 000 unidades vendidas en febreiro de 2003,[2] e acadou case 350.000 vendas globais nas súas versións para consola e ordenador en setembro.[3] En Francia, a "Agence française pour le jeu vidéo" informou que a versión para ordenador de Syberia vendera 50.000 unidades en setembro de 2003, antes do lanzamento das súas versións para consola. Microïds anunciou ese mes plans para enviar 50.000 e 20.000 unidades, respectivamente, das versións de PlayStation e Xbox en Francia.[4] En América do Norte, a súa versión para ordenador vendeu 60.158 copias no comercio retallista só durante 2003,[5] e Orvoine observou a principios de 2004 que a súa versión para Xbox estaba "vendendo moito máis que as nosas expectativas iniciais" na rexión.[6] Michel Bams, de White Birds Productions de Benoît Sokal, dixo que Syberia alcanzara "case 500.000 copias" nas vendas globais en febreiro,[7] un número que superou a finais de 2005, segundo Ubisoft.[1] Porén, Jane Jensen sinalou en 2004 que o xogo "non fora moi rendible" para The Adventure Company, o que, entre outros factores, levou á cancelación do seu proxecto Gray Matter.[8] Bill Tiller informou de vendas nos Estados Unidos que roldaban as 161.000 unidades ata 2006.[9]
As vendas mundiais da serie Syberia superaran o millón de unidades en 2008,[10] e ascenderon a 3 millóns en 2016, antes do lanzamento de Syberia 3.[11]
De acordo con The New York Times, Syberia "recibiu valoracións eufóricas" da crítica.[20] Baseándose en 26 recensións, o sitio Metacritic de recensións estimou a recepción crítica do xogo como "xeralmente favorable".[14]
USA Today chamou o xogo "unha elección sólida",[21] e CNN sinalou que "Syberia trae gráficos impresionantes do xénero de aventuras". Just Adventure chamouno o "Mellor xogo de aventuras no E3". Non obstante, recibiu unha crítica negativa de Charles Herold de The New York Times, quen escribiu que a súa "fe [nos xogos de aventuras] está pendente dun fío, porque estiven xogando a Syberia de Microid, o mellor xogo de aventuras do ano, e non é moi bo.[20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.