![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/80/Susan_Solomon-Desk_With_Globe.jpg/640px-Susan_Solomon-Desk_With_Globe.jpg&w=640&q=50)
Susan Solomon
química atmosférica estadounidense / From Wikipedia, the free encyclopedia
Susan Solomon, nada en Chicago (Estados Unidos) o 19 de xaneiro de 1956, é unha química atmosférica que traballou na National Oceanic and Atmospheric Administration -NOAA- (en galego, Administración Nacional Oceánica e Atmosférica)[1] durante gran parte da súa carreira profesional, onde fixo grandes descubrimentos sobre a composición da atmosfera. Dende o 2011 ata a actualidade (2021) traballou como profesora no Instituto de Tecnoloxía de Massachusetts. Dito instituto era coñecido porque exercera Ellen Swallow Richards como profesora de ciencias de clima e química atmosférica.
![]() ![]() | |
Biografía | |
---|---|
Nacemento | 19 de xaneiro de 1956 ![]() Chicago, Estados Unidos de América ![]() |
Datos persoais | |
País de nacionalidade | Estados Unidos de América ![]() |
Educación | Universidade de California en Berkeley - Doutora en filosofía (–1981) Instituto de Tecnologia de Illinois (pt) ![]() ![]() |
Director de tese | Veronica Vaida (pt) ![]() ![]() |
Actividade | |
Campo de traballo | Química atmosférica (pt) ![]() ![]() |
Ocupación | atmospheric chemist (en) ![]() ![]() |
Empregador | National Oceanic and Atmospheric Administration (pt) ![]() Instituto de Tecnoloxía de Massachusetts ![]() |
Membro de | |
Lingua | Lingua inglesa ![]() |
Premios
|
Foi unha das primeiras persoas en sinalar que o burato da capa de ozono do Antártico se orixinou debido aos clorofluorocarbonos e ao seu mecanismo de reacción de radicais libres.[1] Así, o Protocolo de Montreal das Nacións Unidas, un protocolo que ten como fin a protección da capa de ozono, está baseado no traballo e descubrimentos de Susan Solomon.
Solomon é membro da Academia Nacional de Ciencias dos Estados Unidos, da Academia Europea de Ciencias e da Academia Francesa de Ciencias.[2] Tamén pertence á Xunta de Ciencia e Seguridade do Bulletin of the Atomic Scientists (en galego, Boletín dos Científicos Atómicos).[3]
No 2002, a revista Discover recoñeceuna como unha das 50 mulleres máis importantes da ciencia.[4] No 2008, Solomon foi seleccionada pola revista Time como unha das 100 persoas máis influíntes do mundo.[5]