![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cd/Chinstrap_Penguin.jpg/640px-Chinstrap_Penguin.jpg&w=640&q=50)
Pingüíns
From Wikipedia, the free encyclopedia
Os pingüíns son un grupo de aves mariñas non voadoras que habitan no hemisferio sur. Todos pertencen a unha mesma familia: Spheniscidae. Contrariamente á crenza popular, os pingüíns non habitan unicamente en climas fríos e moitas especies habitan tanto no norte como nas illas Galápagos cerca da liña ecuatorial. A maioría dos pingüíns aliméntanse de krill, peixe, luras e outras criaturas mariñas.
Pingüín Rango fósil: Paleoceno-actualidade | |||||||||||||||
---|---|---|---|---|---|---|---|---|---|---|---|---|---|---|---|
![]() Pygoscelis antarctica | |||||||||||||||
Clasificación científica | |||||||||||||||
| |||||||||||||||
![]() Eudyptes Eudyptula Megadyptes Pygoscelis Spheniscus Distribución dos pengüíns
Aptenodytes |
A especie máis grande é o pingüín emperador (Aptenodytes forsteri): os adultos teñen unha altura media de 110 cm e pesan 30 kg ou máis. A especie máis pequena é o pingüín azul (Eudyptula minor), que ten tipicamente unha estatura de entre 35 e 40 cm e pesan arredor de 1 kg. Xeralmente os pingüíns máis grandes reteñen mellor a calor e polo tanto habitan rexións máis frías, mentres que as especies máis pequenas se encontran en climas temperados e incluso tropicais.