Selección de rugby de Portugal

A Selecção Portuguesa de Râguebi, tamén coñecida coma Os Lobos, representa a Portugal nas competicións internacionais desta modalidade deportiva. O seu primeiro partido foi disputado en 1935 ante a España. Nos últimos anos Portugal ten acadado resultados de relevo, como a vitoria no Torneo Europeo das Nacións de 2002-2004, ou a participación na fase final da Copa do Mundo de Rugby 2007. Estes bos resultados permitiron que a selección ascendese, a mediados de 2005, ao 13º lugar do ránking mundial de World Rugby. A selección portuguesa forma parte do grupo de países incluídos na segunda división do rugby a nivel mundial.

Portugal
Alcume(s)	Os Lobos
Emblema	Escudo portugués
Unión	Federação Portuguesa de Rugby
Adestrador	Patrice Lagisquet
Capitán	Salvador Vassalo
Mais caps	Vasco Uva (101)
Máis ensaios	António Aguilar (24)
Estadio	Estádio de Honra (8 000)
Casa Fóra
Ranking World Rugby
Actual	24 (2 de decembro de 2019)
Máximo	13 (2005)
Mínimo	30 (2015)
Estrea internacional
Portugal 5−6 España Lisboa, Portugal; 13 de abril de 1935
Maior vitoria
Portugal 93−0 República Checa Caldas da Rainha, Port.; 23 de marzo de 2019
Maior derrota
Portugal 13−108 Nova Zelandia Lión, Francia; 15 de setembro de 2007
Copa do Mundo
Participacións	1 (primeira en 2007)
Mellor resultado	Fase de grupos (2007)

Competicións

Torneo Europeo das Nacións

Portugal tivo un éxito inesperado ao vencer no Torneo Europeo das Nacións de 2002-2004. Os portugueses mantiveron os bos resultados nos anos seguintes, tendo acabado en terceiro lugar na edición de 2004-2006, o que abriu o camiño para o acceso, por primeira vez, á Copa do Mundo de Rugby de 2007. Portugal participou na edición 2008-10, que permite igualmente a clasificación para o Campionato do Mundo de 2011 en Nova Zelandia.

Ano	X	V	E	D	+/-	Pts	Pos
2000	4	1	0	3	65-97	5	4.º
2001	5	1	0	4	77-165	7	5.º
2001-02	10	3	0	7	170-295	16	5.º
2003-04	10	9	0	1	245-180	28	1.º
2005-06	10	6	1	3		23	3.º
2007-08	10	3	0	7	174-196	20	5.º

Copa das Nacións

Portugal participou en 2006 na primeira edición da Copa das Nacións da IRB, enfrontándose á Rusia, á Arxentina A e á Italia A. A Copa das Nacións da IRB é un evento anual de nivel medio organizado pola IRB con seleccións internacionais.

Partidos de Portugal:

• 13 de xuño: Portugal 17 - 27 Rusia
• 18 de xuño: Portugal 26 - 26 Italia A
• 24 de xuño: Portugal 19 - 24 Arxentina A

Os partidos foron disputados no Estádio Universitário de Lisboa.

Copa do Mundo de Rugby

Portugal clasificouse por primeira vez, e de xeito sorprendente, na a Copa do Mundo de rugby de 2007, organizada por Francia e Gales, logo de ser repescada tras vencer ás seleccións de Marrocos e o Uruguai.

Partidos de Portugal:

• 9 de setembro: Escocia 56 - 10 Portugal
• 15 de setembro: Nova Zelandia 108 - 13 Portugal
• 19 de setembro: Italia 31 - 5 Portugal
• 25 de setembro: Romanía 14 - 10 Portugal

Partidos Internacionais de novembro

Ao igual que a meirande parte das seleccións da modalidade, a Selección Portuguesa de Rugby disputa partidos amigables de preparación fronte a seleccións do hemisferio Sur. Durante o mes de novembro de 2009.

Os partidos internacionais, designados "Super Bock Cup", tiveron lugar no Estádio Universitário de Lisboa. Os resultados foron os seguintes:

• 7 de novembro: Portugal 9 - 12 Namibia
• 21 de novembro: Portugal 13 - 24 Arxentina Xaguares
• 28 de novembro: Portugal 19 - 24 Tonga

Véxase tamén

Ligazóns externas

• Páxina web oficial da Federação Portuguesa de Rugby