From Wikipedia, the free encyclopedia
O SMS König foi o primeiro dos catro acoirazados da clase König da Mariña Imperial alemá (Kaiserliche Marine) durante a primeira guerra mundial. O König (en galego: "rei") foi nomeado así na honra do rei Guillerme II de Württemberg. Posto na grella en outubro de 1911, o barco foi botado o 1 de marzo de 1913. O König foi completado pouco despois do comezo da primeira guerra mundial; foi asignado á Hochseeflotte o 9 de agosto de 1914.
SMS König | |
---|---|
Historial | ![]() |
Estaleiro | Kaiserliche Werft Wilhelmshaven |
Clase | König |
Tipo | acoirazado |
Posta en grella | outubro de 1911 |
Botado | 1 de marzo de 1913 |
Asignado | 9 de agosto de 1914 |
Destino | barrenado o 21 de xuño de 1919 en Gutter Sound, Scapa Flow |
Características xerais | |
Eslora | 175,4 m |
Manga | 29,5 m |
Calado | 9,19 m |
Xunto cos seus tres barcos irmáns, o Grosser Kurfürst, o Markgraf e o Kronprinz, o König tomou parte na meirande parte das accións da frota durante a guerra. Como barco líder da liña alemá na batalla de Xutlandia o 31 de maio de 1916, o König enfrontouse con varios acoirazados británicos e recibiu dez impactos de calibre pesado. En outubro de 1917 forzou ao pre-dreadnought ruso Slava a que se afundise na batalla do estreito de Muhu, que seguiu á exitosa Operación Albion alemá.
O König foi internado, xunto coa meirande parte da Hochseeflotte, en Scapa Flow en novembro de 1918 tras o armisticio. O 21 de xuño de 1919 o contraalmirante Ludwig von Reuter ordenou afundir a frota mentres os barcos británicos estaban fóra do porto realizando exercicios. A diferenza da meirande parte dos buques afundidos, o König nunca foi reflotado para o seu desmantelamento; os restos aínda se atopan no fondo da baía.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.