From Wikipedia, the free encyclopedia
O SMS Frauenlob foi o oitavo membro dos dez cruceiros lixeiros da clase Gazelle, construído pola Mariña Imperial alemá. Foi fabricado nos estaleiros AG Weser de Bremen, posto na grella en 1901, botado en marzo de 1902, e asignado á Hochseeflotte en febreiro de 1903. Armado cunha batería principal de 10 canóns de 105 mm e dous tubos de torpedos de 450 mm, o Frauenlob era capaz de acadar unha velocidade máxima de 21,5 nós (39,8 km/h).
SMS Frauenlob | |
---|---|
![]() O SMS Frauenlob | |
Historial | ![]() |
Estaleiro | AG Weser, Bremen |
Clase | Gazelle |
Tipo | cruceiro lixeiro |
Posta en grella | 1901 |
Botado | 22 de marzo de 1902 |
Asignado | 17 de febreiro de 1903 |
Destino | afundido durante a batalla de Xutlandia o 31 de maio de 1916 |
Características xerais | |
Desprazamento | 3.158 t |
Eslora | 105 m |
Manga | 12,4 m |
Calado | 4,99 m |
Blindaxe | de 20 a 25 mm na cuberta |
Armamento | 10 canóns SK L/40 de 105 mm 2 tubos de torpedos de 450 mm |
O Frauenlob pasou toda a súa carreira nas forzas de recoñecemento da Hochseeflotte. Durante a primeira guerra mundial participou na batalla de Helgoland en agosto de 1914, onde foi gravemente danado polo cruceiro británico HMS Arethusa, e na batalla de Xutlandia o 31 de maio de 1916. Alí, nun caótico enfrontamento nocturno, o Frauenlob foi golpeado por un torpedo lanzado polo HMS Southampton, que causou que o buque afundise coa meirande parte da súa tripulación. Os restos foron descubertos no ano 2000 en moi boas condicións, sentado en vertical sobre o fondo mariño.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.