![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/54/EmbryonicBrain.svg/langgl-640px-EmbryonicBrain.svg.png&w=640&q=50)
Rombencéfalo
From Wikipedia, the free encyclopedia
O rombencéfalo (ou cerebro posterior) é unha porción do encéfalo embrionario que forma a parte do encéfalo que rodea o cuarto ventrículo e conecta coa medula espiñal, e está formado polo metencéfalo e o mielencéfalo. Comprende o bulbo raquídeo, a ponte de Varolio, e o cerebelo. O rombencéfalo mantén procesos corporais vitais como a respiración, sistema cardíaco, coordinación muscular, entre outros.[1]
![Thumb image](http://upload.wikimedia.org/wikipedia/commons/thumb/4/4f/Rhombencephalon.jpg/640px-Rhombencephalon.jpg)
![Thumb image](http://upload.wikimedia.org/wikipedia/commons/thumb/5/54/EmbryonicBrain.svg/langgl-640px-EmbryonicBrain.svg.png)
![Thumb image](http://upload.wikimedia.org/wikipedia/commons/thumb/b/b4/Four_week_embryo_brain.svg/langgl-320px-Four_week_embryo_brain.svg.png)
![Thumb image](http://upload.wikimedia.org/wikipedia/commons/thumb/b/b9/Gray708.svg/320px-Gray708.svg.png)
O rombencéfalo pode subdividirse nun número variable de avultamentos transversais chamados rombómeros. No embrión humano poden distinguirse oito rombómeros, que desde o caudal ao rostral son: Rh8-Rh1. Rostralmente, o istmo marca os límites co cerebro medio ou mesencéfalo.
Existe unha rara enfermidade do rombencéfalo chamada "rombencefalosinapse", que se caracteriza pola ausencia de vermis, o que orixina un cerebelo fusionado. Os pacientes xeralmente presentan ataxia cerebelar (falta de coordinación muscular).
O rombencéfalo caudal foi xeralmente considerado o sitio de iniciación do peche do tubo neural.[2]