actor arxentino From Wikipedia, the free encyclopedia
Ricardo Darín, nado en Buenos Aires (Arxentina) o 16 de xaneiro de 1957 é un actor, director e guionista arxentino coñecido polas súas interpretacións en películas coma Nueve Reinas, El hijo de la novia, Luna de Avellaneda, El aura e El secreto de sus ojos. Está considerado coma un dos actores máis destacados do cinema arxentino.
![]() (2007) ![]() | |
Biografía | |
---|---|
Nacemento | (es) Ricardo Alberto Darín ![]() 16 de xaneiro de 1957 ![]() Buenos Aires, Arxentina ![]() |
Datos persoais | |
País de nacionalidade | España (2006–) Arxentina ![]() |
Actividade | |
Campo de traballo | Actuación cinematográfica e dirección de cine ![]() |
Ocupación | actor , actor de televisión , actor de teatro , guionista , actor de cinema , director de cinema , realizador ![]() |
Período de actividade | 1979 ![]() |
Lingua | Lingua castelá ![]() |
Familia![]() | |
Parella | Susana Giménez (1978–1987) ![]() |
Fillos | Chino Darín (pt) ![]() ![]() |
Pais | Ricardo Darín (en) ![]() ![]() ![]() |
Irmáns | Alejandra Darín ![]() |
Premios
| |
![]() ![]() ![]() ![]() ![]() ![]() ![]() ![]() ![]() |
Naceu no seo dunha familia moi relacionada co mundo do espectáculo. Con dez anos, debutou no teatro xunto aos seus pais, Ricardo Darín e Renée Roxana. Aos dezaseis acadou estabilidade dentro da televisión arxentina en programas coma Alta Comedia ou Estación Retiro. Baixo as ordes de Alberto Migré, o maior realizador arxentino de telenovelas, obtivo unha considerable popularidade ao ser o protagonista de varias das súas producións.
Na década dos anos 80, e aínda xunto a Migré, deu o salto definitivo á fama formando parte dos "galancitos", un grupo de actores novos que trasladaron éxitos da televisión ao teatro colleitando unha gran sona debido ao éxito das súas representacións. Lonxe de quedar estancado nos papeis de galán, obtivo nos anos 90 o seu éxito máis colosal no mundo da televisión coma cómico, compartindo cartel xunto a Luis Brandoni na serie Mi Cuñado, versión doutra serie da década dos sesenta.
Malia o seu traballo constante no mundo da televisión, Darín nunca abandonou o teatro e continuou a realizar obras coma Sugar, Extraña pareja, Taxi, Algo en común e Art. Comezou a súa andanza no mundo do cinema aparecendo en películas destinadas sobre todo a un público máis novo, tales coma He nacido en la ribera, Así es la vida, La rabona, Los éxitos del amor, La carpa del amor, La discoteca del amor ou La canción de Buenos Aires. Tentou un cambio de rexistro e participou noutros filmes coma El desquite, Revancha de un amigo ou La Rosales, pero o seu verdadeiro éxito tardaría algún tempo máis en chegar.
A crítica fixouse finalmente nel e elixiuno no seu papel do filme Perdido por perdido, dirixida polo debutante Alberto Lecchi. Posteriormente participou en El faro, de Eduardo Mignogna, e protagonizou El mismo amor, la misma lluvia, de Juan José Campanella, onde o seu papel foi de novo recoñecido. O seu salto definitivo chegou co filme Nueve Reinas co papel de Marcos, un ladrón de pouca envergadura na Arxentina que comeza a agonizar economicamente. A súa interpretación nesta longametraxe, que protagoniza xunto a Gastón Pauls, permitiulle facerse cun nome de peso dentro do cinema do seu país. En 2001, de novo baixo as ordes de Mignona, participou cun papel pequeno na película La fuga, e nese mesmo ano, protagonizou así mesmo El hijo de la novia, xunto a Natalia Verbeke, Héctor Alterio e Norma Aleandro. O filme foi outro grande éxito de portelo e crítica, chegando a ser nomeada coma mellor película estranxeira na edición dos Oscar do ano 2002.
En 2004 actuou en Luna de Avellaneda, onde o seu personaxe tenta rescatar o club social e deportivo dos seus pais, e en 2005 participou en El aura, onde encarna a un taxidermista con memoria fotográfica envolto nun aperto do que non quería formar parte. En 2007 aparece no filme XXY, no que interpreta o papel do acomplexado pai dun adolescente de quince anos que é hermafrodita. Ese mesmo ano, protagoniza e fai o seu debut coma director no filme La Señal, continuando así o proxecto sen rematar de Eduardo Mignogna tras o seu falecemento.
En 2009 protagonizou, xunto a Guillermo Francella, El secreto de sus ojos, no que interpreta a un secretario dun xulgado que intenta escribir unha novela sobre un crime cometido moito tempo atrás.
Salientan tamén os seus traballos en 2014 en Relatos salvajes, filme hispano-arxentino dirixido e escrito por Damián Szifron e en 2015 en Truman, filme de Cesc Gay, co que Darín gañaría un Goya á mellor interpretación masculina protagonista.
Ano | Filme | Personaxe |
---|---|---|
1969 | La culpa | Federico Ramírez |
1972 | He nacido en la ribera | Miguel Notari |
1977 | Así es la vida | Rogelio González |
1977 | La nueva cigarra | |
1978 | La rabona | |
1978 | La fiesta de todos | |
1979 | Los éxitos del amor | |
1979 | La carpa del amor | |
1979 | Juventud sin barreras | |
1979 | La playa del amor | Ricardo |
1980 | La canción de Buenos Aires | |
1980 | La discoteca del amor | Eddie Ulmer |
1981 | Abierto día y noche | |
1983 | El desquite | Silvio |
1984 | La Rosales | |
1986(inédita) | The Stranger | Clark Whistler |
1986 | Te amo | Germán |
1986 | Expreso a la emboscada | Tenente Lamas |
1987 | Revancha de un amigo | Ariel Llanarte |
1993 | Perdido por perdido | Ernesto Vidal |
1998 | El faro | Andy |
1999 | El mismo amor, la misma lluvia | Jorge Pellegrini |
2000 | Nueve reinas | Marcos |
2001 | La fuga | Domingo Santaló |
2001 | El hijo de la novia | Rafael Belvedere |
2001 | Samy y yo | Samy Goldstein |
2002 | Kamchatka | Pai "David Vicente" |
2004 | Luna de Avellaneda | Román Maldonado |
2005 | El aura | Esteban Espinosa |
2006 | La educación de las hadas | Nicolás |
2007 | XXY | Kraken |
2007 | La señal | Corvalán |
2007 | Abrígate | |
2008 | Amorosa soledad | |
2009 | El secreto de sus ojos | Benjamín Esposito |
2009 | El baile de la Victoria | Nicolás Vergara Grey |
2010 | Carancho | Sosa |
2011 | Un cuento chino | Roberto |
2011 | Delirium Argentinum | Ricardo Darín |
2011 | El destino del Lukong | |
2012 | Elefante blanco | Julián |
2012 | Una pistola en cada mano | |
2013 | Tesis sobre un homicidio | Roberto Bermúdez |
2013 | Séptimo | |
2014 | Relatos salvajes | Simón Fisher |
2014 | Delirium | Ricardo Darín |
2015 | Truman | Julián |
Ano | Telenovela/Serie | Personaxe |
---|---|---|
1977 | El tema es el amor | |
1978 | Vos y yo, toda la vida | |
1978 | Una escalera al cielo | |
1980 | Casa de muñecas | |
1981 | Un día 32 en San Telmo | |
1981 | Me caso con vos | |
1982 | Nosotros y los miedos | |
1983 | Compromiso | |
1987 | Estrellita mía | |
1989 | Rebelde | Alex Alonzo |
1991 | Buenos Aires, háblame de amor | Bruno Santoro |
1993 | Mi cuñado | Federico "Chiqui" Fornari |
1995 | Chiquititas | Eduardo |
1999 | La mujer del presidente | |
2000 | Tiempo final | Juan |
2001 | Porque te quiero |
Ano | Categoría | Traballo Nomeado | Resultado | Ref. |
---|---|---|---|---|
2009 | Mellor interpretación masculina protagonista | El secreto de sus ojos | Nomeado | [1] |
Mellor interpretación masculina secundaria | El baile de la Victoria | Nomeado | [2] | |
2014 | Mellor interpretación masculina protagonista | Relatos salvajes | Nomeado | [3] |
2015 | Truman | Gañador | [4] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.