Ramón Calviño Salazar

Ramón Antonio Calviño Salazar, nado en Meaño o 27 de abril de 1904 e finado en Vigo en 1984, foi un funcionario e político galego.

Ramón Calviño Salazar

Biografía
Nacemento	27 de abril de 1904 Meaño, España
Morte	1984 (79/80 anos) Vigo, España
Actividade
Ocupación	funcionario, político
Familia
Fillos	Manuel Calviño Cobas

Traxectoria

Fillo de Manuel Calviño Cobas e Esperanza Salazar de Lis, donos do pazo de Lis.^[1] Orfo de pai aos 14 anos, marchou a Cuba e despois á Arxentina en 1929.^[2] Retornou e foi funcionario municipal do Concello de Meaño, e correspondente de El Pueblo Gallego en Meaño.^[3] Logo do golpe de Estado do 18 de xullo de 1936 fuxiu co seu cuñado Virgilio Trabazo Serapio na madrugada do 19 de xullo á Coruña, onde embarcaron para Buenos Aires.^[4] Anos despois logrou levar á muller e o fillo ao exilio arxentino. Ramón dedicouse ao transporte público de viaxeiros. Retornaron a Galicia nos anos sesenta.

Vida persoal

Casou en Cuntis con Camila Carballo Blanco en 1935,^[5] e foi pai de Ramón Calviño Carballo.

Notas

1. El reparto del edificio permitió la venta de una parte al Concello y que hoy se dedique a museo
2. Passenger list of the ship ALCANTARA arriving to Buenos Aires on Feb 02, 1929
3. El Pueblo Gallego, 1-11-1935, p. 12.
4. El gabán acribillado del maestro Víctor Trabazo
5. El Pueblo Gallego, 24-10-1935, p. 13.

Véxase tamén

Bibliografía

• "Ramón Calviño Carballo. "Siempre quise ser médico"". A saúde de Galicia (8): 28–35. 2010. Arquivado dende o orixinal o 04 de novembro de 2022. Consultado o 04 de novembro de 2022.