![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cb/Entamoeba_histolytica_01.jpg/640px-Entamoeba_histolytica_01.jpg&w=640&q=50)
Quiste (microbioloxía)
From Wikipedia, the free encyclopedia
En bioloxía e microbioloxía, un quiste é un estadio en repouso ou dormente dun microorganismo, xeralmente unha bacteria ou protista e tamén algúns animais invertebrados, que axuda a ese organismo a sobrevivir en condicións ambientais desfavorables. Pode considerarse como un estadio de animación suspendida, no cal os procesos metabólicos da célula quedan ralentizados e a célula cesa todas as actividades como a alimentación e locomoción. O enquistamento tamén axuda aos microbios a dispersarse doadamente desde un hóspede a outro ou a un ambiente máis favorable. Cando os microbios enquistados chega a un ambiente favorable para o seu crecemento e supervivencia, a parede do quiste rompe por un proceso chamado exquistación ou desenquistación.
![Thumb image](http://upload.wikimedia.org/wikipedia/commons/thumb/c/cb/Entamoeba_histolytica_01.jpg/640px-Entamoeba_histolytica_01.jpg)
![Thumb image](http://upload.wikimedia.org/wikipedia/commons/thumb/0/0a/Artemia_salina_cyst.tif/lossless-page1-130px-Artemia_salina_cyst.tif.png)
As condicións ambientais desfavorables como a falta de nutrientes ou oxíxeno, as temperaturas extremas, a falta de humidade e a presenza de compostos químicos tóxicos, que non contribúen ao crecemento do microbio[1] desencadean a formación do quiste.