Protesilao
heroe na guerra de Troia / From Wikipedia, the free encyclopedia
Na mitoloxía grega, Protesilao (ou Protésilas, en grego antigo Πρωτεσίλαος) foi un príncipe de Tesalia, fillo de Íficles (ou Íficlo) [1] e de Astíoque. Tiña un irmán chamado Podarces. Outra tradición faino fillo de Áctor, outro heroe tesalio.
Para outras páxinas con títulos homónimos véxase: (3540) Protesilao.
Protesilao foi un dos numerosos pretendentes que aspiraban á man da princesa Helena pero non chegou a casar con ela. Por tal causa tivo que acudir á Guerra de Troia para cumprir o xuramento que o pai desta, Tindáreo, esixiu a tódolos pretendentes de acatar o resultado da elección e protexer o matrimonio resultante de Helena con Menelao. Deste xeito, foi un dos contendentes na guerra, achegando á frota aquea un continxente de 40 naves [2].