![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/88/Pe%25C3%25B1alara_en_oto%25C3%25B1o.jpg/640px-Pe%25C3%25B1alara_en_oto%25C3%25B1o.jpg&w=640&q=50)
Peñalara
From Wikipedia, the free encyclopedia
O pico de Peñalara é o máis alto da Serra de Guadarrama (serra pertencente ao Sistema Central) e das provincias de Madrid e Segovia, cunha altura de 2.430 metros sobre o nivel do mar. En consecuencia, é un dos picos máis emblemáticos e importantes deste sistema montañoso. A altura media de Peñalara é de 1.200 metros.
![](http://upload.wikimedia.org/wikipedia/commons/thumb/8/88/Pe%C3%B1alara_en_oto%C3%B1o.jpg/640px-Pe%C3%B1alara_en_oto%C3%B1o.jpg)
No cume desta montaña podemos atopar, a parte do vértice xeodésico, unha pequena capela dedicada á Virxe María e varios letreiros de madeira indicando varias rutas e os seus tempos de execución. O pico de Peñalara está no centro do macizo montañoso do seu nome, o cal é de tipo granítico e alberga unha serie de picos aliñados de nordeste a suroeste. Os bosques de piñeiro silvestre que tapizan as abas desta montaña deixan paso, por enriba dos 1.900 metros de altitude, ás praderías alpinas e matogueiras de alta montaña. A esta altura, e na aba leste, existe un circo e máis de vinte pequenas lagoas de orixe glaciar onde viven máis de dez especies de anfibios e outros animais de alta montaña. En Peñalara aprenderon os alpinistas máis importantes de Madrid e é unha montaña moi frecuentada por montañeiros e turistas grazas aos fáciles accesos que ten.
A montaña está incluída no Parque Natural de Peñalara, creado en 1990, que ocupa unha superficie de 750 ha.
![]() |
Commons ten máis contidos multimedia sobre: Peñalara |