![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/98/767px-MtnSheepPetroglyph.jpeg/640px-767px-MtnSheepPetroglyph.jpeg&w=640&q=50)
Petróglifo
deseño gravado na pedra / From Wikipedia, the free encyclopedia
Un petróglifo é unha representación gráfica gravada nas rochas ou pedras. Son o antecedente dos símbolos previos á escritura e o seu uso na comunicación data de hai uns 12.000 anos e chega aos tempos modernos, dependendo da cultura e o lugar, dándose sobre todo a partir do Neolítico.
![Thumb image](http://upload.wikimedia.org/wikipedia/commons/thumb/9/98/767px-MtnSheepPetroglyph.jpeg/640px-767px-MtnSheepPetroglyph.jpeg)
A palabra provén dos termos gregos petros (pedra) e glyphein (tallar) e foi na súa orixe acuñada en francés como pétroglyphe. Este termo non debe confundirse con pictografía, que é unha imaxe debuxada ou pintada na rocha, aínda que ambos os dous pertencen á categoría xeral e máis ampla da arte rupestre. As petroformas ou modelos e figuras feitas en grandes rochas no chan, tampouco son moi parecidas.