Pararge aegeria
especie de insecto / From Wikipedia, the free encyclopedia
A Pararge aegeria é unha especie de bolboreta que se atopa habitualmente nos lindes de moitas áreas boscosas da zona paleártica[1]. A especie divídese en múltiples subespecies, incluíndo Pararge aegeria aegeria, Pararge aegeria tircis, Pararge aegeria oblita e Pararge aegeria insula.[1][2]
Pararge aegeria | |||||||||||||||
---|---|---|---|---|---|---|---|---|---|---|---|---|---|---|---|
Clasificación científica | |||||||||||||||
| |||||||||||||||
Nome binomial | |||||||||||||||
'Pararge aegeria' (Linnaeus, 1758) |
A coloración desta bolboreta varía entre as distintas subespecies. A existencia destas subespecies débese á variación morfolóxica baixo o gradiente que corresponde a un clina xeográfico.[3] A gama de coloración do fondo das ás vai do marrón ao laranxa, e as manchas están entre un pálido amarelo, branco, crema e un laranxa escuro.
A Pararge aegeria aliméntase dunha variada selección de plantas herbáceas.[2] Os machos da especie mostran dous tipos de comportamento local: defensa territorial e patrulla.[4] A proporción de machos que mostran estas dúas estratexias cambia segundo as condicións ecolóxicas.[4][5] A femia monandria debe escoller que tipo de macho pode facilitar o éxito da reprodución. A súa decisión vese fortemente influenciada polas condicións ambientais.[6]