Palio (indumentaria relixiosa)
From Wikipedia, the free encyclopedia
O palio é un ornamento do papa e dos metropolitanos que usan na misa pontifical.[1]
Para outras páxinas con títulos homónimos véxase: Palio.
Ten a forma dunha faixa circular que carga sobre os ombros e da cal penden ante o peito e nas costas dúas tiras rectangulares, todo el de la branca, destacándose nela seis ou cinco cruces de seda de cor negra ou vermella. Adoita adornarse con tres cravos metálicos, que recordan os cravos da Paixón.
Ao principio, o palio consistía nunha peza de vestidura que se repregaba a maneira de banda, pero moito despois, a partir do século VI, tomou a forma de cinta, e desde o século IX ao século X se lle deu unha forma case idéntica á actual, coas seis cruces negras a partir do século XV.