Vermilingües

A dos vermilingües (Vermilingua) é unha suborde de mamíferos placentarios da orde dos pilosos, que son coñecidos vulgarmente como osos formigueiros,^[1] ou tamanduás.^[2]

Vermilingües Vermilingua Osos formigueiros
Oso formigueiro xigante (Myrmecophaga tridactyla) no zoo de Aalborg, Dinamarca
Clasificación científica
Reino: Animalia Filo: Chordata Subfilo: Vertebrata Clase: Mammalia Infraclase: Placentalia Superorde: Xenarthra Orde: Pilosa Suborde: Vermilingua Illiger, 1811
Familias
Cyclopedidae Myrmecophagidae

Tamanduá mexicano (Tamandua mexicana).

Propios do sueste mexicano, América Central e Suramérica, a suborde comprende tan só catro especies viventes, repartidas en dúas familias, a dos ciclopédidos e a dos mirmecofáxidos. Son o oso formigueiro xigante (Myrmecophaga tridactyla), que mide 1,80 m de lonxitude (contando a cola), as dúas especies do xénero Tamandua (T. tetradactyla e T. mexicana), que miden uns 90 cm, e o oso formigueiro pigmeo (Cyclopes didactylus) de tan só 35 cm de longo.

Están emparentados cos preguiceiros, cos que comparten a orde dos pilosos, pero a súa alimentación é basicamente a base de formigas e térmites, ao que deben o seu nome.

Taxonomía

Descrición

A suborde describiuna en 1811 o zoólogo alemán Johann Karl Wilhelm Illiger.^[3]

Etimoloxías

O termo do latín científico Vermilingua deriva do elemento Vermi-, do latín vermis, "verme" (xenitivo vermiis) e lingua, "lingua". Literalmente: "os que teñen a lingua en forma de verme.

O sinónimo tamanduá procede do tupí-guaraní tamanduá, que significa "comedor de formigas", é dicir, "oso formigueiro".^[4]

Clasificación

A suborde dos vermilingües divídese en dúas familias que comprenden diversos xéneros, varios deles extintos.^[5] Só se sinalan os xéneros e especies actuais.

Suborde Vermilingua Illiger, 1811

• Familia Cyclopedidae Pocock, 1924.^[6]
  • Xénero Cyclopes Gray, 1821
    • Cyclopes didactylus (Linnaeus, 1758)
• Familia Myrmecophagidae Gray, 1825.^[7]
  • Xénero Myrmecophaga Linnaeus, 1758
    • Myrmecophaga tridactyla Linnaeus, 1758
  • Xénero Tamandua Gray, 1825
    • Tamandua mexicana Saussure, 1860
    • Tamandua tetradactyla Linnaeus, 1758

Notas

1. Oso formigueiro na Dicopedia do Século 21.
2. Tamadúa no Diccionario normativo galego-castelán de Galaxia. A acentuación do Normativo de Galaxia é incorrecta; probabelmente é un castelanismo antigo; hoxe en castelán é a correcta tamanduá.
3. Vermilingua en MSW.
4. tamanduá no DRAE.
5. Mikko's Phylogeny Archive - Vermilingua
6. Cyclopedidae en MSW.
7. Myrmecophagidae en MSW.

Véxase tamén

Wikimedia Commons ten máis contidos multimedia na categoría:  Vermilingües

Wikispecies posúe unha páxina sobre:  Vermilingües

Bibliografía

• McKenna, Malcolm C. & Bell, Susan K. (1997): Classification of Mammals Above the Species Level. Nova York: Columbia University Press. ISBN 0-231-11013-8.
• Nowak, Ronald M. (1999): Walker's Mammals of the World. 6ª ed. Baltimore, Maryland, EE. UU.: The Johns Hopkins University Press. ISBN 978-0-8018-5789-8.
• Wilson, D. E. & Reeder, D. M., eds. (2005): Mammal Species of the World: A Taxonomic and Geographic Reference 3rd ed. Baltimore, Maryland, USA: The Johns Hopkins University Press. ISBN 978-0-8018-8221-0.

Outros artigos

• Folívoros
• Pilosos

Ligazóns externas

• Vermilingua na ADW.
• Vermilingua na EOL.
• Fourmilier na Enciclopedia Larousse on line. (en francés)