From Wikipedia, the free encyclopedia
O Club Baloncesto OAR Ferrol, onde OAR son as siglas de Obra Atlética Recreativa, foi un club de baloncesto galego con sede na cidade de Ferrol. Fundado en 1951 e desaparecido en 1996, o club competiu durante trece temporadas na máxima categoría do baloncesto español. Xogou os seus partidos como local en dúas localizacións diferentes, o Pavillón Municipal Punta Arnela e o Pavillón Polideportivo A Malata.
| OAR Ferrol | |
 | |
| Información xeral | |
|---|---|
| Fundación | 1951 |
| Desaparición | 1996 |
| Cores | Verde,branco |
| Localización | |
| Cidade |  Ferrol, Galiza |
| Pavillón | Polideportivo A Malata |
| Capacidade | 5 000 |
| Campionatos | |
| Copa Galicia | 5 (1988, 1989, 1990, 1991, 1993) |
O Obra Atlética Recreativa Ferrol foi fundado en 1951, sendo o seu primeiro presidente Jaime López Perez. Nun principio o club contaba unicamente cun equipo xuvenil, o cal que se proclama campión da liga local desde o ano 1954 até o 1957. Na tempotada 1957−58, baixo a presidencia de Antonio Bouza Evia e aproveitando os cimentos deixados polo equipo xuvenil, o club forma un equipo sénior capaz de competir en igualdade con outros equipos xa consolidados. Na primeira temporada o OAR conquista a Segunda División Provincial, se ben a desaparición de dita división fai que non acade o ascenso de categoría. Isto provocaría a desaparición do equipo sénior, o cal non reaparecerá até a temporada 1963−64 baixo a presidencia de Juan Fernández García. Juan Fernández posteriormente dirixiría o club os seguintes 30 anos.
Na temporada 1975−76 o equipo militaba na 3ª División Nacional. A idea de afrontar tarefas máis importantes concretouse na cabeza de Juan Fernández. Cun americano prestado, demostrouse nalgún partido amigable que este era o que marcaba a diferenza. Na seguinte tempada, a 1976-77, fichouse a José Antonio Figueroa, un adestrador profesional, que nuns anos conduciu e mantivo ao equipo en Primeira División. Con Juan Fernández ao mando o club obtén os seus maiores éxitos deportivos, marcados por sucesivos ascensos de categoría que levan ao club a militar durante trece anos na máxima categoría do baloncesto español, chamada primeiro División de Honra, e despois coñecida pola súa denominación Liga ACB.
Nos trece anos na elite do club ferrolán, o equipo consegue tres clasificacións a competicións europeas, concretamente a Copa Korać, aínda que nunca sendo capaces de pasar da fase de grupos. Na temporada 1993−94 o club perde a categoría a pesar de finalizar no posto 15. Isto foi debido a económicos, motivados en boa medida pola súa conversión en Sociedade Anónima Deportiva. Tras o descenso de categoría o OAR acabar por certificar en 1996 a súa desaparición. Durante a longa vida deportiva do Club Baloncesto OAR Ferrol, foron moitos os xogadores e adestradores que defenderon as cores do equipo.
Alberto Abalde Ricardo Aldrey Óscar Cobelo José Ramón Esmorís Miguel Juane Miguel Ángel Loureiro Fernando Romay
Lars Hansen Manuel Aller
Pere Práxedes Fede Ramiro Valentín Ruano Manuel Saldaña
Anicet Lavodrama
Raymond Brown Nate Davis Roy Fisher Otis Howard Mike Schlegel Linton Townes Trevor Wilson
| Ano | Nivel | Liga | Pos. | V–D | Copa do Rei | Outras copas | Competicións europeas | |||||
|---|---|---|---|---|---|---|---|---|---|---|---|---|
| 1951–78 | Categorías inferiores | |||||||||||
| 1978–79 | 2 | 1ª División B | 9º | 8–2–12 | ||||||||
| 1979–80 | 2 | 1ª División B | 2º | 24–6 | ||||||||
| 1980–81 | 1 | 1ª División | 9º | 10–1–15 | Cuartos de final | |||||||
| 1981–82 | 1 | 1ª División | 8º | 12–14 | 3 Copa Korać | SR | 3–1 | |||||
| 1982–83 | 1 | 1ª División | 11º | 7–2–17 | Cuartos de final | 3 Copa Korać | PR | 0–1–1 | ||||
| 1983–84 | 1 | ACB | 7º | 12–20 | ||||||||
| 1984–85 | 1 | ACB | 11º | 14–15 | Copa Príncipe | CR | 3 Copa Korać | GS | 4–6 | |||
| 1985–86 | 1 | ACB | 12º | 12–18 | Copa Príncipe | SF | ||||||
| 1986–87 | 1 | ACB | 16º | 5–26 | Copa Príncipe | OF | ||||||
| 1987–88 | 2 | 1ª División B | 1º | 37–9 | ||||||||
| 1988–89 | 1 | ACB | 9º | 26–13 | Primeira rolda | Copa Príncipe | SF | |||||
| 1989–90 | 1 | ACB | 19º | 11–30 | Primeira rolda | |||||||
| 1990–91 | 1 | ACB | 21º | 16–27 | Segunda rolda | |||||||
| 1991–92 | 1 | ACB | 10º | 17–19 | Primeira rolda | |||||||
| 1992–93 | 1 | ACB | 15º | 13–21 | Segunda rolda | |||||||
| 1993–94 | 1 | ACB | 15º | 11–19 | Cuartos de final | |||||||
| 1994–95 | 3 | 2ª División | 7º | |||||||||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
