Nocello

Na anatomía humana o nocello é unha articulación bicameral do membro inferior. Permite movementos de flexión-extensión e abdución-adución do pé. Tamén se denomina noelo, nortello e tornecelo.^[1]

Nocello
Vista lateral dun nocello humano
Latín	articulatio talocruralis
MeSH	Ankle+joint

Fractura bimaleolar e luxación no nocello dereito nos raios X (antero-posterior)

Superficies articulares da cámara proximal

• Na perna:
  • Tibia: cara inferior da epífise inferior e cara externa do maléolo tibial.
  • Peroné: cara interna do maléolo peroneo.
• No tarso:
  • Astrágalo: cara superior, interna e externa.

O escafoide e calcáneo non son superficies articulares pero neles insírense varios ligamentos do nocello. Trátase dunha articulación troclear.

Superficies articulares da cámara distal

• Articulación astragalocalcanoide: entre astrágalo e calcáneo. É unha dobre artrodia morfolóxica e trocoide funcional.
• Articulación calcaneoastragaloescafoide: entre astrágalo e escafoide. Engadimos o calcáneo nesta articulación porque emite un cartigo importante para ela. Trátase dunha enartrose.

Ligamentos da articulación

• Da cámara proximal:
  • Ligamento lateral externo: composto por tres feixes.
    • Ligamento peroneoastragalino anterior
    • Ligamento peroneoastragalino posterior
    • Ligamento peroneocalcáneo
  • Ligamento lateral interno: composto por catro feixes.
    • Ligamento deltoide ou superficial: contén tres feixes.
      • Ligamento tibioastragalino anterior, posterior e tibiocalcáneo
    • Ligamento fondo: por debaixo dos anteriores
      • Ligamento tibioastragalino medio
• Da cámara distal:
  • Articulación astragalocalcanoide: un ligamento intrínseco: ligamento do seo do tarso e dous ligamentos extrínsecos: un posterior e outro interno.
  • Articulación calcaneoastragalinoescafoide: ligamento clave e ligamento de reforzo superior.

Notas

1. Definicións no Dicionario da Real Academia Galega e no Portal das Palabras para Nocello.