Nicolas Theodore Gobley

Nicolas Theodore Gobley, nado o 11 de maio de 1811 en París e finado o 1 de setembro de 1876 en Banhèras de Luishon, foi un farmacéutico e químico francés relacionado co estudo dos fosfolípidos. Un dos seus maiores logros científicos é o descubrimento no período 1846/1847 da lecitina (fosfatidilcolina).^[1]

Vanilina.

Nicolas Theodore Gobley

Nome orixinal	(fr) Théodore Nicolas Gobley
Biografía
Nacemento	11 de maio de 1811 París, Francia
Morte	1 de setembro de 1876 (65 anos) Bagnères-de-Luchon, Francia
Lugar de sepultura	Cemiterio de Montparnasse
Datos persoais
País de nacionalidade	Francia
Actividade
Campo de traballo	Bioquímica
Ocupación	químico , farmacéutico
Membro de	Académie nationale de pharmacie (en) Academia Nacional de Medicina (França) (pt)
Lingua	Lingua francesa
Premios  Oficial da Lexión de Honra

Gobley estudou farmacia en París e máis tarde traballou co químico francés Pierre Jean Robiquet e xuntos estudaron a estrutura dos alcaloides cafeína e codeína. Traballou como auxiliar médico e no período de 1837 a 1861 mantivo aberta unha farmacia en París. Durante o período de 1842 a 1847 traballou como profesor na Escola de Farmacia e ingresou na Academia de Medicina en 1861.

Foi un dos primeiros científicos en illar e estudar as propiedades da vanilina, un dos compoñentes aromáticos da vainilla, en 1858. No período que vai de 1846 a 1847 illou e estudou a lecitina (fosfatidilcolina), chamouna así porque extraíaa da xema do ovo, que en grego é lekithos. Nos anos seguintes realizou unha ampla investigación sobre os fosfolípidos relacionados con substancias do corpo humano.

Obras

• Gobley, N.T. (1858). "Recherches sur le principe odorant de la vanille". Journal de Pharmacie et de Chimie. Vol. 34: 401–405.

Notas

1. Sourkes, Theodore L. (2004). "The discovery of Lecithin, the First Phospholipid" (PDF). Bulletin for the History of ChemiIstry. Vol. 29 (Num. 1): 9–15. Arquivado dende o orixinal (PDF) o 30 de decembro de 2015. Consultado o 22 de agosto de 2023.