From Wikipedia, the free encyclopedia
A neutralidade de rede é un principio proposto para as redes de banda larga de uso residencial, das que Internet é o paradigma. É, de calquera maneira, potencialmente aplicábel a todas as redes de comunicación, e describe cal debería ser o tratamento do tráfico que circula a través delas. Unha rede neutral é xa que logo aquela que está libre de restricións nas clases de equipamento a usar e no tocante aos modos de comunicación permitidos, é dicir, que non restrinxe o contido de sitios web e plataformas, e onde a comunicación non está irrazonabelmente degradada por outras comunicacións.