Neue Deutsche Härte
From Wikipedia, the free encyclopedia
O Neue Deutsche Härte ([ˈnɔʏə ˈdɔʏtʃə ˈhɛʁtə], lit. "Nova dureza alemá"), ás veces abreviado NDH, é un subxénero do heavy metal orixinado en Alemaña e Austria nos 1990. O termo é unha chiscadela ao movemento Neue Deutsche Welle, xurdido no mundo xermanófono a mediados dos anos 1970, e foi acuñado tralo lanzamento do álbum Herzeleid en 1995 pola banda Rammstein.
O estilo caracterízase pola influencia do Neue Deutsche Welle, o metal alternativo e o groove metal, mesturados con elementos propios do electro-industrial e a música techno. As letras están xeralmente escritas en alemán, e prevalecen as voces graves e masculinas. É habitual a énfase na vibrante múltiple. Xunto cos instrumentos tradicionais, é habitual a inclusión de sintetizadores, teclados e samples. As guitarras adoitan ter unha gran distorsión e afinacións baixas. A estética NDH, especialmente nas bandas máis asociadas coa escena do metal industrial, caracterízase polo uso de elementos militaristas.