![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Nestorius_Hooghe_1688.png/640px-Nestorius_Hooghe_1688.png&w=640&q=50)
Nestorio
From Wikipedia, the free encyclopedia
Nestorio (en grego: Νεστόριος), nado en Xermanicia, Siria (hoxe Kahramanmaraş en Turquía[1][2]) c. 386 e finado no 451, foi un líder cristián sirio do século V. Foi patriarca de Constantinopla e foi acusado de profesar a doutrina que leva o seu nome (nestorianismo), consistente nunha separación total entre a divindade e a humanidade de Cristo. Tal doutrina foi declarada herética polo Concilio de Éfeso, que depuxo a Nestorio do patriarcado en 431. Morreu nos desertos de Libia entre 440 e 451.
![]() Nestorio | |
Biografía | |
---|---|
Nacemento | c. 386 Xermanicia, Siria (hoxe Kahramanmaraş, Turquía) |
Morte | 451 Oasis de Kharga, Exipto |
Lugar de sepultura | Oásis de Kharga (pt) ![]() ![]() |
![]() | |
Arcebispo católico | |
![]() | |
Datos persoais | |
País de nacionalidade | Imperio Bizantino ![]() |
Relixión | Nestorianismo e Igrexa católica ![]() |
Actividade | |
Ocupación | escritor , sacerdote católico , bispo católico , teólogo cristián ![]() |
Período de tempo | Imperio Bizantino ![]() |
Profesores | Teodoro de Mopsuéstia (pt) ![]() ![]() |
Lingua | Lingua latina e Grego antigo ![]() |
Outro | |
Condenado por | Herexía ![]() |
![]() |
Ao recaer sobre el a acusación de herexía, as súas obras foron destruídas. Tratábase dunha produción numerosa sobre todo de sermóns, cartas e algúns tratados dedicados a temas dogmáticos en disputa. Consérvase a súa obra Bazar de Heráclides de Damasco, onde critica a postura de Cirilo de Alexandría e, por tanto, as decisións do Concilio de Éfeso. Atribuíronselle tamén os Doce contra-anatematismos, que serían unha resposta aos Anatematismos de Cirilo, pero tal atribución é espuria.
Os seus seguidores, os nestorianos, difundiron a súa doutrina por Asia, chegando a crear unha importante igrexa que se estendeu desde a India até Siberia. Actualmente quedan congregacións desta igrexa en Iraq (Igrexa asiria do Oriente), Irán, India, China, Estados Unidos e outros lugares onde migraron comunidades dos países citados.