Narón
concello da comarca de Ferrol, na provincia da Coruña / From Wikipedia, the free encyclopedia
Narón (xentilicio «naronés/naronesa») é un concello da provincia da Coruña situado entre a ría de Ferrol e o océano Atlántico e pertencente á comarca de Ferrol, sendo na actualidade a área de expansión urbana máis importante da comarca. Narón limita cos concellos de Ferrol, Valdoviño, San Sadurniño e Neda. Segundo o IGE en 2020 tiña 39.056 habitantes (20.177 mulleres e 18.879 homes), o que a converte na oitava vila de Galicia (38.285 no 2010, 35.664 no 2006, 35.083 no 2005, 34.404 no 2004, 33.825 en 2003), sendo o cuarto núcleo de poboación na provincia da Coruña despois da Coruña, Santiago de Compostela e Ferrol.
Localización | |||||
---|---|---|---|---|---|
| |||||
Estado | España | ||||
Comunidade autónoma | Galicia | ||||
Provincia | Provincia da Coruña | ||||
Capital | Narón | ||||
Poboación | |||||
Poboación | 39.051 (2023) (583,63 hab./km²) | ||||
Xentilicio | naronés, naronesa | ||||
Xeografía | |||||
Parte de | |||||
Superficie | 66,91 km² | ||||
Bañado por | Océano Atlántico | ||||
Altitude | 26 m | ||||
Comparte fronteira con | |||||
Organización política | |||||
• Alcaldesa | Marián Ferreiro Díaz (2017–) | ||||
Eleccións municipais en Narón | |||||
Identificador descritivo | |||||
Código postal | 15570 | ||||
Fuso horario | |||||
Código INE | 15054 | ||||
Páxina web | naron.es |
É un concello mixto, con sete parroquias (Castro, Doso, Pedroso, San Xiao de Narón, Sedes, Trasancos e O Val) eminentemente rurais nas que viven menos da cuarta parte da poboación e cun núcleo urbano de máis de 29.000 hab. formado polos barrios da Gándara, A Solaina, O Alto do Castiñeiro, Piñeiros, O Couto, Freixeiro e Xuvia, destacando pola súa poboación as catro primeiras. Reordenado polo Concello de Narón baixo o nome de Narón ou Cidade de Narón, que agrupa máis das 3/4 partes da poboación de Narón.