Museo Raíña Sofía
From Wikipedia, the free encyclopedia
O Museo Raíña Sofía, oficialmente Museo Nacional Centro de Arte Raíña Sofía (en castelán: Museo Nacional Centro de Arte Reina Sofía, MNCARS), é o principal museo español de arte do século XX e contemporánea, situado en Madrid. Inaugurouse o 10 de setembro de 1992, a partir dos procedentes do extinto Museo Español de Arte Contemporánea. É un organismo autónomo dependente do Ministerio de Cultura.
Museo Nacional Centro de Arte Raíña Sofía | |
---|---|
Fachada nordés do Museo Raíña Sofía. | |
País | España |
Cidade | Madrid |
Director | Manuel Borja-Villel |
Inauguración | 10 de setembro de 1992 |
Superficie | 84.048 m² |
Visitantes | 3.898.309 (2018) |
Na rede | |
https://www.museoreinasofia.es/ | |
[ editar datos en Wikidata ] | |
Na súa colección destaca a obra dos pintores e escultores españois do século XX (nacidos a partir de 1881), representados amplamente e con algunhas das súas mellores obras: Pablo Picasso, Salvador Dalí ou Joan Miró, sen esquecer obras de estilo surrealista (de Francis Picabia, René Magritte, Yves Tanguy ou Jean Arp), cubista (Juan Gris, Georges Braque, Robert e Sonia Delaunay ou Fernand Léger) e expresionista (Francis Bacon ou Antonio Saura).
É o museo máis visitado de España, recibindo 3.898.309 persoas no ano 2018,[1] unha cifra que aumenta continuamente dende a súa apertura. Xunto ó Museo do Prado e o Museo Thyssen-Bornemisza constitúe o chamado Triángulo de Ouro ou Triángulo da Arte, do que o Raíña Sofía se situaría no vértice sur.