![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d8/Cova_da_Serpe_%25281%2529.jpg/640px-Cova_da_Serpe_%25281%2529.jpg&w=640&q=50)
Monte da Cova da Serpe
monte na serra da Cova da Serpe / From Wikipedia, the free encyclopedia
A Cova da Serpe é a maior elevación da serra do mesmo nome con 841 m sobre o nivel do mar, e sitúase xusto no punto onde conflúen os lindes dos concellos de Guitiriz, Friol e Sobrado.
Para outras páxinas con títulos homónimos véxase: A Cova da Serpe.
![Thumb image](http://upload.wikimedia.org/wikipedia/commons/thumb/d/d8/Cova_da_Serpe_%281%29.jpg/640px-Cova_da_Serpe_%281%29.jpg)
O monte é citado xa no século X como Cova de Serpente e era un dos fitos que sinalaban a doazón inicial ao mosteiro de Sobrado. O nome procede dunha caverna localizada nas proximidades da cima, dunha lonxitude duns 12 metros, e un altor na boca de sobre 2 metros; a anchura máxima é de 5 metros.
![Thumb image](http://upload.wikimedia.org/wikipedia/commons/thumb/2/2d/Cova_da_Serpe.jpg/640px-Cova_da_Serpe.jpg)
Domingo Fontán, durante a elaboración da súa Carta xeométrica de Galiza, estivo até tres veces na Cova da Serpe: en 1822, 1828 e 1830. A última vez, grazas ao acompañamento de bo tempo, puido ver polos seus aparellos a Torre de Hércules, situada a uns 70 quilómetros.[1]