![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Suintila_Tremis_Emerita.jpg/640px-Suintila_Tremis_Emerita.jpg&w=640&q=50)
Moeda visigoda
Moeda cuñada polo reino visigodo / From Wikipedia, the free encyclopedia
A moeda visigoda abrangue as cuñaxes levadas a cabo polos visigodos na Galia e en Hispania durante os inicios da Idade Media, entre o século V e o ano 710 aproximadamente.[1]
Moeda visigoda a nome de Suintila | |
---|---|
![]() | |
Busto real de fronte; +SVINTHILAREX. | Busto real de fronte; +EMIRITAPIVS. |
AV Tremissis. 1,47 g. Ceca de Emerita (Mérida). |
As moedas principais destas series eran o sólido e o tremissis (ou triente), dúas moedas de ouro emitidas xa na época imperial tardía e, posteriormente, cuñadas tamén polos emperadores bizantinos en moi diversas cecas.[2]
A cuñaxe de moeda visigoda comezou na Galia, onde este pobo se instalou a comezos do século V, e logo pasou a Hispania a partir do inicio do século VI, onde o centro de gravidade do reino visigodo mudou, logo da toma da maior parte de dominios góticos na Galia por parte dos francos.
As primeiras desas moedas, comunmente chamadas pseudoimperiais, eran imitacións das emitidas polos romanos occidentais e posteriormente polos bizantinos, que repetían mesmo as lendas orixinais. Foi a partir de 580 cando se iniciaron as auténticas moedas autónomas, que xa incorporaban os nomes dos reis visigodos. Estas emisións concluíron na segunda década do século VIII, coa conquista musulmá da Península Ibérica que acabou co reinado visigodo.[3]
![Thumb image](http://upload.wikimedia.org/wikipedia/commons/thumb/6/62/Reino_de_los_visigodos-gl.png/640px-Reino_de_los_visigodos-gl.png)