Mary Pierce

Mary Pierce, nada en Montreal (Canadá) o 15 de xaneiro de 1975, é unha tenista profesional francesa. Alcanzou seis finais individuais nos torneos de Grand Slam durante a súa carreira, gañando dous títulos. Tamén gañou dous torneos de Grand Slam de dobres. Grazas á súa figura estilizada e grande estatura, ás veces actuou como modelo.

Mary Pierce

Biografía
Nacemento	(en) Mary Caroline Pierce 15 de xaneiro de 1975 (49 anos) Montreal, Canadá
Residencia	Sarasota
Educación	American School of Correspondence (en)
Altura	178 cm
Peso	68 kg
Lateralidade	destro
Actividade
Ocupación	tenista (1989–)
Período de actividade	marzo de 1989 -
Patrimonio estimado	9.793.119 $
Nacionalidade deportiva	Francia
Deporte	tenis
Disciplina deportiva	tenis individual tenis dobres dobres mixto
Man de xogo	destro  e revés a dúas mans
Modalidade Partido de tenis Récord persoal Tenis individual 511–237   18 3 (1995) Tenis dobres 197–116 10 3 (2000) Hall of fame Info HOF WTA Info WTA
Traxectoria   Equipo Competición - França na Fed Cup
Participou en
2004	Xogos Olímpicos de 2004
1992	Xogos Olímpicos de 1992
Premios
officier de l'ordre national du Mérite  International Tennis Hall of Fame
Páxina web	marypierce.com

Traxectoria

Pierce naceu en Montreal mentres a súa nai francesa, Yannick Adjaj, e o seu pai estadounidense, Jim Pierce, estaban de viaxe na cidade; polo tanto, a pesar de nacer no Canadá, nunca residiu nese país durante longos períodos, senón que se criou nos Estados Unidos. Como consecuencia, foi recoñecida como cidadá dos Estados Unidos, o Canadá e Francia. En torneos internacionais representou a Francia.

Pierce comezou no tenis á idade de 10 anos^[1] por iniciativa do seu pai. Só dous anos despois gañou o título nacional dos Estados Unidos na categoría sub-12. En 1989 converteuse na tenista estadounidense máis nova en debutar no tour profesional á idade de 14 anos e 2 meses.^[2][3]

En 1994, Pierce xogou a súa primeira final de Grand Slam, no torneo de Roland Garros, dun xeito notable. Foi a primeira xogadora en chegar á cuarta rolda ao perder só dous partidos nos seus partidos. No momento da final só perdera 10 xogos, incluído un sólido 6-2, 6-2 ante a que entón era a indiscutible número un, Steffi Graf nas semifinais. Na final perdeu por 6-4 e 6-4 ante Arantxa Sánchez Vicario.^[4]

En 1995, Pierce gañou o seu primeiro título de Grand Slam ao derrotar a propia Sánchez Vicario por 6-3 e 6-2 na final do Aberto de Australia. Ese ano alcanzou o seu máximo posto na clasificación da WTA, o número 3.

En 1997, Pierce volveu xogar a final do Aberto de Australia, mais perdeu contra Martina Hingis por un dobre por 6-2. Tamén perdeu a final dos WTA Tour Championships dese ano con Jana Novotná. Pierce foi membro do equipo francés que gañou a Fed Cup en 1997.

Pierce gañou o seu segundo título de individual de Grand Slam e o seu primeiro de dobres no Aberto de Francia no 2000. Na final de individuais derrotou a Conchita Martínez por 6-2 e 7-5 e converteuse na primeira francesa en gañar o título desde Françoise Durr en 1967.^[5][6] Xogando dobres con Martina Hingis coroouse nesta categoría (a parella xa xogara a final no Aberto de Australia a principios do mesmo ano).

Pierce axudou a gañar a selección francesa a Fed Cup por segunda vez en 2003.^[7] En 2004, Pierce gañou o seu primeiro título desde o 2000, no torneo de 's-Hertogenbosch, acadando así 16 títulos individuais.

Finais de Grand Slam

Individuais: 6 (2 títulos)

Resultado	Ano	Campionato	Superficie	Rival	Marcador
Finalista	1994	Aberto de Francia	Terra	Arantxa Sánchez Vicario	4–6, 4–6
Gañadora	1995	Aberto de Australia	Dura	Arantxa Sánchez Vicario	6–3, 6–2
Finalista	1997	Aberto de Australia	Dura	Martina Hingis	2–6, 2–6
Gañadora	2000	Aberto de Francia	Terra	Conchita Martínez	6–2, 7–5
Finalista	2005	Aberto de Francia	Terra	Justine Henin	1–6, 1–6
Finalista	2005	Aberto dos Estados Unidos	Dura	Kim Clijsters	3–6, 1–6

Dobres: 2 (1 título)

Resultado	Ano	Campionato	Superficie	Parella	Rivais	Marcador
Finalista	2000	Aberto de Australia	Dura	Martina Hingis	Lisa Raymond Rennae Stubbs	4–6, 7–5, 4–6
Gañadora	2000	Aberto de Francia	Terra	Martina Hingis	Virginia Ruano Pascual Paola Suárez	6–2, 6–4

Dobres mixtos: 1 (1 título)

Resultado	Ano	Campionato	Superficie	Parella	Rivais	Marcador
Gañadora	2005	Wimbledon	Herba	Mahesh Bhupathi	Tatiana Perebiynis Paul Hanley	6–4, 6–2

Notas

1. Morley, Gary (5 de xuño de 2015). "French Open 2015: Mary Pierce - Finding salvation at Roland Garros". CNN.
2. Scheiber, Dave (7 de maio de 1990). "TOO MUCH, TOO YOUNG". vault.si.com (en inglés). Consultado o 14 de xullo de 2021.
3. Este récord foi batido ao ano seguinte por Jennifer Capriati.
4. "Mary Pierce playing activity for 1994". Arquivado dende o orixinal o 12 de febreiro de 2009.
5. Clarey, Christopher (11 de xuño de 2000). "With Victory, Pierce Finally Finds Herself at Home in Paris". The New York Times.
6. Wertheim, L. Jon (19 de xuño de 2000). "Hail Mary The prayers of a more devout Mary Pierce, not to mention those of long-suffering French fans, were finally answered in Pari". www.si.com. Sports Illustrated.
7. "France dispatches United States in Fed Cup final". USA Today. 23 de novembro de 2003. Consultado o 2 de setembro de 2015.

Véxase tamén

Wikimedia Commons ten máis contidos multimedia na categoría:  Mary Pierce