Manuel Rojo Moreira

Manuel Rojo Moreira, finado en Palas de Rei o 19 de xuño de 1938, foi un avogado e político galego.

Manuel Rojo Moreira

Biografía
Nacemento	valor descoñecido valor descoñecido
Morte	19 de xuño de 1938 Palas de Rei, España
Causa da morte	morte accidental, accidente ecuestre
Alcalde de Palas de Rei
1936 – 19 de xuño de 1938 (finado no cargo) ← Manuel Vázquez Ouro
Actividade
Ocupación	avogado, político

Traxectoria

Fillo de Antonio Rojo García e Manuela Moreira Suárez. Avogado en Palas de Rei. Foi xuíz municipal de Palas de Rei de 1924 a 1930.^[1] Foi presidente da Sociedad de Agricultores, Oficios y Profesiones de Palas de Rei.^[2] Nos anos finais da República militou no Bloque Nacional.^[3] Logo golpe de Estado do 18 de xullo de 1936 foi nomeado presidente da xestora municipal de Palas de Rei. Logo da renovación da xestora, foi elixido alcalde de Palas de Rei o 7 de xuño de 1937.^[4] Morreu a consecuencia do golpe dun cabalo que fuxía dunha casa incendiada o 19 de xuño de 1938.^[5][6][7]

Vida persoal

Casou con Matilde Lagares Guntín e foi pai de Eugenia, José, Pablo e María Teresa Rojo Lagares.

Notas

1. La Voz de Galicia, 29-12-1927, p. 5.
2. Galicia, 18-3-1931, p. 7.
3. Galicia, 22-3-1935, p. 7.
4. BOP Lugo, 27-8-1937, p. 2.
5. Necrolóxica en Hoja Oficial del Lunes, 20-6-1938, p. 3.
6. El Compostelano, 2-7-1938, p. 2.
7. El Pueblo Gallego, 6-7-1938, p. 3.

Predecesor: Manuel Vázquez Ouro

Alcalde de Palas de Rei 1936 - 1938

Sucesor: Alejo Vázquez Viña