Magneta Lane é unha banda canadense de rock alternativo procedente de Toronto, Ontario e formada no ano 2003. Os seus tres membros son mulleres, Lexi Valentine (voces e guitarra), Nadia King (batería) e French (baixo). O grupo recibiu boas críticas co seu álbum de estrea The Constant Lover. O seu primeiro sinxelo, tamén titulado "The Constant Lover", e o segundo, "Ugly Socialite", emitíronse frecuentemente nas canles MTV, VH1 e MuchMusic.
| Magneta Lane | |
|---|---|
 | |
| Orixe | Toronto, Ontario, Canadá  |
| Período | 2003 - presente |
| Xénero(s) | rock alternativo |
| Selo(s) discográfico(s) | Last Gang Records |
| Membros | Lexi Valentine French Nadia King |
| Na rede | |
| magnetalane.com | |
       | |
Historia
A banda formouse no outono de 2003 e pasaron o ano seguinte realizando concertos na zona de Toronto. Dende entón foron entrando nas distintas escenas independentes internacionais. O seu son ten sido comparado co de The Strokes, The Runaways e The Pretenders, e ten influencias de Nancy Sinatra, Sonic Youth, The Kinks, Hole e The Cardigans.
Editaron os seus álbums The Constant Lover e Dancing with Daggers a través do selo independente de Toronto Paper Bag Records. Ámbolos dous tiveron éxito e permitíronlles xiras polo Canadá, os Estados Unidos, o Xapón e parte de Europa. Posteriormente, o grupo asinou un contrato con Last Gang Records e editou Gambling with God no Canadá o 15 de setembro do 2009.
Lexi apareceu como vocalista convidada nos temas de Tokyo Police Club "Nature Of The Experiment", de K-os "Fun" e de Neverending White Lights "Black Is The Colour Of My True Love's Heart".
Tras Gambling with God, a banda pasou por dificultades e estivo desaparecida por un tempo ata regresar en 2013 co EP Witchrock. Este traballo foi publicado a través da nova discográfica creada polo propio grupo, Splendor House, sendo distribuído por eOne Music.
A música de Magneta Lane apareceu na banda sonora das series The L Word e Lost Girl e da película CAKE.
Discografía
Véxase tamén
Ligazóns externas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
