Lynx (constelación)

Lynx ou Lince^[1] é unha constelación do Hemisferio norte, introducida no século XVII por Johannes Hevelius. A orixe do nome debese á pouca luminosidade das súas estrelas, pois precísanse ter ollos de lince para pode-la ver. Para localizar ó Lince hai que buscar entre dúas constelacións moi luminosas, a Ursa Major e Auriga.

Lynx
Nome latino	Lince
Abreviatura	Lyn
Xenitivo	Lyncis
Simboloxía	O Lince
Ascensión recta	8 h
Declinación	+45°
Área	545 graos cadrados Rango 28
Número de estrelas (magnitude < 3)	0
Estrela máis brillante	α Lyn (magnitude ap. 3,14)
Choiva de meteoros	Ningunha
Constelacións lindeiras	Ursa Major Camelopardalis Auriga Xémini Cáncer Leo (esquina) Leo Minor
Visible en latitudes entre +90° e −55° Mellor visibilidade ás 21:00 (9 p.m.) durante o mes de marzo

Estrelas principais

• α Lyncis (Elvashak), con magnitude 3,1 é a estrela máis brillante da constelación. É unha xigante vermello-alaranxada a 220 anos luz.
• 38 Lyncis (Maculosa), a segunda estrela máis brillante con magnitude 3,82, de cor branca.
• 10 Ursae Majoris, a pesar do seu nome actualmente está englobada na constelación de Lynx; con magnitude 3,97 é a terceira máis brillante da mesma.
• 12 Lyncis, estrela tripla onde a compoñente principal ten magnitude 5,4 e a secundaria magnitude 6.
• RR Lyncis, variable eclípsante cun brillo que varía entre magnitude 5,5 e 6 nun ciclo duns dez días.

Obxectos Notables do espazo profundo

• Cúmulo globular NGC 2419, de magnitude 10,4 e moi distante da Terra (300.000 anos luz).
• Galaxia espiral NGC 2683, localizada 6º ó oeste de α Lyncis.

Notas

1. Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Consultado o 12 de outubro de 2016.

Véxase tamén

Wikimedia Commons ten máis contidos multimedia na categoría:  Lynx

Ligazóns externas

• The Deep Photographic Guide to the Constellations: Lynx (en inglés)
• Star Tales – Lynx (en inglés)