![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a6/Galiza_250K_-_Rede_hidrogr%25C3%25A1fica.png/640px-Galiza_250K_-_Rede_hidrogr%25C3%25A1fica.png&w=640&q=50)
Lista de ríos de Galicia
artigo de listas da Wikimedia / From Wikipedia, the free encyclopedia
Os ríos de Galicia son parte da densa hidrografía de Galicia. A súa gran densidade fai que Galicia sexa cualificada decote como a terra dos mil ríos, en palabras de Otero Pedrayo. A maioría dos cursos, por mor do seu escaso caudal, non son navegables, agás o río Miño na súa desembocadura, nos numerosos encoros, e nos cursos baixos dalgúns ríos, nos que se celebran regatas.
![Thumb image](http://upload.wikimedia.org/wikipedia/commons/thumb/a/a6/Galiza_250K_-_Rede_hidrogr%C3%A1fica.png/640px-Galiza_250K_-_Rede_hidrogr%C3%A1fica.png)
Os ríos de Galicia son moi curtos na vertente cantábrica e algo máis longos na atlántica, coas excepcións novamente do Miño e o Sil, que teñen unha lonxitude de varios centos de quilómetros. Porén, os altos desniveis provocan a existencia de numerosas fervenzas.
Amais da pesca fluvial, existe aproveitamento industrial dos ríos mediante os muíños e os encoros para a produción de enerxía eléctrica e o abastecemento de auga.