A limiá é unha raza de vacún autóctona de Galicia. Actualmente a poboación é moi reducida, cuns 852 exemplares (2014).[1]
Son animais de perfil subcóncavo a recto, hipermétricos no val e eumétricos na montaña, de proporcións mediolíneas e tamaño grande. O peso medio é de 650 kg para as femias e de 900 kg para os machos e a alzada media á cruz é de 140 cm para as femias e de 148 cm para os machos. Teñen unha cabeza de medianas proporcións, con fronte ancha, cara longa e fociño ancho. Os cornos en gancho curto nos bois, grandes, longos e espiraliformes nas vacas. O tronco é amplo e harmónico, o tórax ampuloso, con costelares cilíndricos e peito ancho. As extremidades son de lonxitude media, fortes e ben asentadas. O ubre é globuloso, desenvolvido, bastante simétrico e con tetos de boa implantación. Ten capa castaña, moito máis escura no terzo anterior.
É unha das razas morfoloxicamente máis semellantes ao extinto uro e forma parte do proxecto TaurOs que pretende recrear ao devanceiro das razas domésticas actuais.[2]
![Thumb](http://upload.wikimedia.org/wikipedia/commons/thumb/5/5c/Limi%C3%A1.png/640px-Limi%C3%A1.png)
No 2002 a poboación era de 136 exemplares, datos baseados nun estudo de alta fiabilidade. O número de machos reprodutores era de 59, e o de femias de 66. A porcentaxe de femias de raza pura (emparelladas cun macho da súa raza) era do 100%.[3] No 2007 había 460 animais, e no 2011, 861. A tendencia da raza é de crecemento rápido.
Ano | Femias | Machos | Total | Ganderías |
---|---|---|---|---|
2009 | 566 | 126 | 692 | 41 |
2010 | 666 | 159 | 825 | 44 |
2011 | 711 | 150 | 861 | 44 |
2012 | 722 | 170 | 892 | 45 |
2013 | 653 | 152 | 805 | 45 |
2014 | 699 | 153 | 852 | 42 |
2015 | 853 | 173 | 1 026 | 40 |
2016 | 881 | 204 | 1 085 | 36 |
2017 | 936 | 205 | 1 141 | 39 |
2018 | 962 | 240 | 1 202 | 38 |
2019 | 1 003 | 231 | 1 234 | 38 |
2020 | 1 138 | 270 | 1 408 | 37 |
2021 | 1 239 | 282 | 1 521 | 39 |
2022 | 1 323 | 254 | 1 577 | 49 |
Gráfica de evolución demográfica da vaca limiá entre 2009 e 2022 |
![]() |
Datos segundo a aplicación ARCA do Ministerio de Agricultura, Pesca e Alimentación.[1] |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.