![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/68/331.01_a_Balaguer_%252830972030320%2529.jpg/640px-331.01_a_Balaguer_%252830972030320%2529.jpg&w=640&q=50)
Liña Lleida-La Pobla de Segur
From Wikipedia, the free encyclopedia
A liña Lleida-La Pobla de Segur é unha liña de ferrocarril que une Lleida, Balaguer, Tremp e La Pobla de Segur, en Cataluña, conectando a chaira de Lleida co Prepireneo.
![Thumb image](http://upload.wikimedia.org/wikipedia/commons/thumb/6/68/331.01_a_Balaguer_%2830972030320%29.jpg/640px-331.01_a_Balaguer_%2830972030320%29.jpg)
Foi inaugurada entre Lleida e Balaguer en 1924 e en 1951 chegou ata La Pobla de Segur. Dende 2005 é propiedade de Ferrocarrils de la Generalitat de Catalunya, que en 2016 asumiu tamén a súa operación coa compra de unidades de tren propias.
Hai 10 servizos diarios por sentido entre Lleida e Balaguer; 6 deles da liña RL1, que finalizan o seu percorrido en Balaguer, e os 4 restantes da liña RL2, que continúan ata La Pobla de Segur. O 70% dos usuarios concéntrase no tramo Lleida-Balaguer. Ademais, ofrécese un servizo turístico baixo a marca Tren dels Llacs (Tren dos Lagos).
Tárdanse uns 26 minutos en percorrer o trazado entre Lleida e Balaguer, e ata 1 hora e 35 minutos en percorrer integramente o traxecto ata La Pobla.