Kristinehamn

Kristinehamn é unha localidade sueca no condado de Värmland, capital do municipio de Kristinehamn. No ano 2017 tiña unha poboación de 18 829 habitantes.^[1]

Kristinehamn

Localización
59°18′23″N 14°04′38″L
Estado	Suecia
Condado	condado de Värmland
Municipios	Concello de Kristinehamn
Capital de	Concello de Kristinehamn
Poboación
Poboación	18.597 (2020) (1.301,4 hab./km²)
Xeografía
Superficie	1.429 ha
Identificador descritivo
Fuso horario	UTC+01:00, horario estándar UTC+02:00, horario de verán
Outro
Irmandado con	Brodnica (pt)

Kristinehamn está situado na ribeira do lago Vänern, onde desembocan os pequenos ríos Varnan e Löt. Ten un porto e é un centro de transporte ferroviario e por estrada. Preto atópanse as cidades de Karlskoga e Karlstad e sitúase xusto no medio de Oslo, Estocolmo e Gotemburgo, con 250 quilómetros de distancia a cada unha destas cidades.

Historia

O lugar estivo poboado durante séculos, polo menos dende a Idade de Pedra. A orixe da foi o porto e o mercado que habían xunto a ponte sobre o río Varnan, por onde pasaba a estrada que conectaba Suecia e Noruega. O seu nome foi Broo (ou Bro) ata 1642, significando "Bro" literalmente "Ponte" en sueco.

Kristinehamn recibiu unha carta real por vez primeira en 1582 da man de Carlos IX de Suecia coa intención de converterse na cidade máis importante de Värmland, pero Carlos IX cambiou de opinión e Kristinehamn perdeu os seus privilexios en 1584 en favor de Karlstad. En 1642 a raíña Cristina de Suecia outorgoulle novamente os seus privilexios de cidade e ese ano cambiou o seu nome na honra da monarca. Isto convértea nunha das cidades históricas de Suecia.

Notas

1. Statistiska centralbyrån (ed.). "Tätorter 2015; befolkning 2010-2017, landareal, andel som överlappas av fritidshusområden". Consultado o 20 de xuño de 2018.^{[Ligazón morta]}

Véxase tamén

Ligazóns externas

• Web oficial de Kristinehamn