![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/Haeckel_Ascidiae.jpg/640px-Haeckel_Ascidiae.jpg&w=640&q=50)
Ilustración científica
From Wikipedia, the free encyclopedia
A ilustración científica é unha disciplina artístico-científica, un tipo de arte vinculado á ciencia que se enfoca en aproximar a través da ilustración un obxecto de estudo, comunicando información de carácter científico. Permite transmitir ao observador a análise do obxecto de interese, mostrando as súas características reais e fidedignas plasmadas en papel ou noutros formatos. Nalgúns casos está vinculada tamén á ilustración técnica, e ao debuxo técnico.
![Thumb image](http://upload.wikimedia.org/wikipedia/commons/thumb/2/22/Haeckel_Ascidiae.jpg/640px-Haeckel_Ascidiae.jpg)
![Thumb image](http://upload.wikimedia.org/wikipedia/commons/thumb/a/af/Botanical_illustration_of_Lilium_superbum.jpg/220px-Botanical_illustration_of_Lilium_superbum.jpg)
As ilustracións necesitan ser cientificamente precisas, pero a miúdo a súa compoñente artística fai que as usen para imprimilas en libros e outros medios como ornamento, ou ser consideradas obras de interese artístico, histórico ou comercial.[2]
As súas funcións son favorecer a comunicación e divulgación, ordenando as informacións visuais que axudan a sintetizar ou conceptualizar determinada información científica.
Hoxe ademais das técnicas clásicas, os ilustradores e ilustradoras, alén do apoio fotográfico utilizan técnicas de infografía por ordenador e ilustracións e animacións en 3D.