![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/ff/Examples_of_Ibid%252C_from_%2522Justice%2522_by_Michael_J-_Sandel_2013-04-08_20-17.jpg/640px-Examples_of_Ibid%252C_from_%2522Justice%2522_by_Michael_J-_Sandel_2013-04-08_20-17.jpg&w=640&q=50)
Ibídem
From Wikipedia, the free encyclopedia
Ibídem (abreviado ib.)[1] é unha locución latina que significa literalmente "alí mesmo, no mesmo lugar".
![Thumb image](http://upload.wikimedia.org/wikipedia/commons/thumb/f/ff/Examples_of_Ibid%2C_from_%22Justice%22_by_Michael_J-_Sandel_2013-04-08_20-17.jpg/640px-Examples_of_Ibid%2C_from_%22Justice%22_by_Michael_J-_Sandel_2013-04-08_20-17.jpg)
Emprégase xeralmente nas notas que se poñen nos escritos para non ter que repetir todas as indicacións da fonte de onde están tomadas varias citas. Estas indicacións escríbense completas só a primeira vez, na primeira nota; as demais veces que se cita esa fonte utilízase o termo ibídem ou, en abreviatura, ib., e indica que o lugar de onde se tomou a segunda cita e as posteriores, pertencen ao mesmo escrito que o da primeira nota.
Neste sentido, ten a mesma función que o vocábulo opere citato ("na obra citada", abreviado, op. cit.) ou loco citato ("no lugar citado", abreviado, loc. cit.). Con todo, ambos úsanse en distintos casos e non deben confundirse. A abreviatura ib. só fai referencia á cita inmediatamente anterior, significando que ambas as citas tratan sobre o mesmo autor e o mesmo libro, por iso eses datos non se colocan novamente e só se sinala a páxina correspondente en cada caso.
Tamén se usa con frecuencia nas biografías para indicar que o lugar do falecemento da persoa é o mesmo que o de nacemento. En certo modo é moi similar a ídem (que significa "algo xa mencionado anteriormente", "o mesmo").