subclase de peixes cartilaxinosos From Wikipedia, the free encyclopedia
Os holocéfalos (Holocephali, do grego ὅλος hólos, 'todo' e κεφαλή kephalé, 'cabeza', isto é, "nos que todo é cabeza")[1] son unha subclase de peixes cartilaxinosos (Chondrichthyes).
Holocéfalos (Holocephali) Quimeras Rango fósil: Devoniano - actualidade | |||||||||||||||
---|---|---|---|---|---|---|---|---|---|---|---|---|---|---|---|
Hydrolagus colliei | |||||||||||||||
Clasificación científica | |||||||||||||||
| |||||||||||||||
Xéneros actuais | |||||||||||||||
|
Só unha orde, a dos quimeriformes (Chimaeriformes), con tres familias que reúnen 47 especies, chamadas quimeras ou tiburóns fantasmas, sobreviven na actualidade,[2] pero o grupo foi moi diverso en épocas pasadas.
A morfoloxía destes animais coñécese desde o Devoniano, porén, a relación das formas fósiles coas actuais é aínda incerta.[3] A maioría dos expertos sospeitan que este taxon é en realidade un grupo parafilético.[4]
O seu estraño aspecto, no que destaca unha gran cabeza protuberante, cunha boca que se asemella á dun coello, e cunha longa cola recorda á dunha rata, valeulles o nome de quimeras, que toman do monstro da mitoloxía grega formado por partes de diversos animais. Alcanzan tamaños de até 2 m, dos cales a maior parte corresponden á súa desmesurada cola. Unha espiña velenosa situada diante da aleta dorsal permítelles inxectar veleno a calquera animal que os ataque.
A diferenza dos tiburóns e as raias, as súas catro branquias están cubertas exteriormente por unha membrana de pel, análoga ao opérculo dos peixes óseos.[5] Os adultos carecen de espiráculo circular (que estaría derivado da primeira abertura branquial), presente unicamente de forma temporal no desenvolvemento embrionario.[6] Así mesmo, a mandíbula superior está fusionada co resto do cranio e presentan orificio anal e uroxenital separados.
Os holocéfalos contan cun importante rexistro fósil a partir do Devoniano, con numerosas ordes extintas.[7]
Unha das especies máis coñecidas é a quimera monstruosa (Chimaera monstrosa).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.