Juan Hipólito del Sagrado Corazón de Jesús Irigoyen Alem, tamén coñecido como Hipólito Yrigoyen, nado en Buenos Aires o 12 de xullo de 1852 e finado o 3 de xullo de 1933, foi un avogado e político arxentino, que foi presidente da Arxentina en dúas ocasións: entre 1916 e 1922, e entre 1928 e 1930.
![]() ![]() | |
Biografía | |
---|---|
Nacemento | 12 de xullo de 1852 ![]() Buenos Aires, Arxentina ![]() |
Morte | 3 de xullo de 1936 ![]() Buenos Aires, Arxentina ![]() |
Lugar de sepultura | Mausoleum of the Fallen in the Revolution of 1890 (en) ![]() ![]() |
![]() | |
12 de outubro de 1928 – 6 de setembro de 1930 ← Marcelo Torcuato de Alvear – José Félix Uriburu (pt) ![]() | |
![]() | |
12 de outubro de 1916 – 12 de outubro de 1922 ← Victorino de la Plaza – Marcelo Torcuato de Alvear → ![]() | |
Datos persoais | |
Residencia | Buenos Aires ![]() |
País de nacionalidade | Arxentina ![]() |
Educación | Universidade de Buenos Aires ![]() |
Actividade | |
Lugar de traballo | Buenos Aires ![]() |
Ocupación | avogado , político , autor ![]() |
Partido político | União Cívica Radical (pt) ![]() ![]() |
Lingua | Lingua castelá ![]() |
Familia![]() | |
Fillos | Luis H. Irigoyen (pt) ![]() ![]() |
Premios
| |
![]() ![]() ![]() |
Naceu na cidade de Buenos Aires, fillo do éuscaro francés Martín Irigoyen e de Marcelina Alem, irmá do político Leandro N. Alem, fundador da Unión Cívica Radical (UCR).
Yrigoyen gradouse en Dereito pola Universidade de Buenos Aires o 1878, exercendo a súa profesión na oficina de Leandro Alem e de Aristóbulo del Valle. Foi electo deputado pola Provincia de Buenos Aires en 1880.
Despois do suicidio de seu tío Leandro Alem, Yrigoyen tornouse líder da UCR. Asumiu como política a intransixencia, unha postura de oposición ó réxime coñecido como concordancia, que establecía, mediante fraude electoral, a alternancia no poder entre distintos sectores conservadores. O seu celo levou o partido á loita armada en 1893 e 1905. Máis tarde, orientou a súa forma de acción non violenta mediante a abstención revolucionaria. A súa loita terminou coa promulgación da Lei Sáenz Peña, que estableceu o voto obrigatorio, secreto e universal (aínda que non incluíse ás mulleres).
Era coñecido como O Peludo polo seu carácter pouco sociábel e introvertido. Filosoficamente foi asociado co krausismo español.
Primeira presidencia (1916-1922)
O impulso inicial da conquista dos dereitos democráticos viuse freado ao non controlar o Senado e tamén o goberno de moitas provincias. Yrigoyen recorre entón á intervención federal nas provincias, profundando o enfrontamento cos sectores conservadores.
Economicamente, a Arxentina benefíciouse da primeira guerra mundial, coa apertura dos mercados aos seus produtos primarios (carne e cereais) que eran a base da súa riqueza. A Arxentina era coñecida como o celeiro do mundo e tiña un dos máis altos PIB por habitante.
A pesar das súas medidas de carácter social, como o descanso remunerado os domingos, por acción ou omisión deixou que sectores militares reprimisen os movementos dos traballadores e das minorías.
Ao non ser reelecto conforme decisión constitucional, foi sucedido por Marcelo Torcuato de Alvear, líder da facción antipersonalista do seu partido.
Segunda presidencia (1928-1930)
Ao ser reelecto, Yrigoyen xa se encontraba vello e estaba rodeado de asesores que, ao lle falaren das oposicións socialista e conservadora, ocultaban a realidade, filtrando así o acceso ao que acontecía no país e no mundo (era coñecido como o Diario de Yrigoyen).
A situación económica tornouse grave cos primeiros sinais da Gran Depresión, e os sectores do exército simpatizantes do fascismo e os intelectuais, como Leopoldo Lugones, conspiraban abertamente por unha mudanza do réxime.
Finalmente, o 6 de setembro de 1930 Yrigoyen foi deposto por un golpe militar dado por José Félix Uriburu.
Últimos anos
Despois da súa deposición, Yrigoyen foi detido e confinado na Illa de Martín García. Faleceu en Buenos Aires a 3 de xullo de 1933. O seu funeral foi acompañado por unha enorme multitude.
Presidente da Arxentina | ||
---|---|---|
Segue a: Victorino de la Plaza |
Hipólito Yrigoyen | Precede a: Marcelo Torcuato de Alvear |
Unión Cívica Radical - UCR |
Presidente da Arxentina | ||
---|---|---|
Segue a: Marcelo Torcuato de Alvear |
Hipólito Yrigoyen | Precede a: José Félix Uriburu |
Unión Cívica Radical - UCR |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.