Heterocontófitas
From Wikipedia, the free encyclopedia
As heterocontófitas (Heterokontophyta), heterocontas (Heterokonta) ou stramenopiles [8][9] son un importante grupo de eucariotas[10] do que se coñecen actualmente algo máis de 100.000 especies.[11] A maioría dos membros do grupo son algas, que van desde algas pluricelulares xigantes como o quelpo (kelp) a unicelulares como as diatomeas, que son un importante compoñente do plancto. Os grupos máis coñecidos son as Phaeophyceae (algas pardas) e as Chrysophyceae (algas douradas). Outros membros notables parécense máis a fungos, como os oomicetos (xeralmente parasitos), como Phytophthora e Pythium.
Heterocontófitas | |||||||
---|---|---|---|---|---|---|---|
Fucus distichus | |||||||
Clasificación científica | |||||||
| |||||||
Clases típicas | |||||||
| |||||||
Sinonimia | |||||||
Os nomes Heterokontophyta ou Heterokonta fan referencia os estadios móbiles do seu ciclo de vida, na que presentan formas flaxeladas con flaxelos de diferente forma (konto refírese ao flaxelo).
Os seus cloroplastos, orixinados pola simbiose entre a célula hóspede e un endosimbionte, son interesantes no estudo da evolución e parentesco destas algas.