Gisaengchung

Gisaengchung (en coreano: 기생충), distribuído en Galicia co título en castelán Parásitos,^[8][9] é un filme surcoreano de suspense e comedia negra de 2019 dirixido por Bong Joon-ho, quen tamén elaborou a historia orixinal e coescribiu o guión con Han Jin-won. Está protagonizado por Song Kang-ho, Lee Sun-kyun, Cho Yeo-jeong, Choi Woo-shik e Park So-dam, e conta a historia dos membros dunha familia pobre que artella un plan para converterse en empregados da casa dunha familia rica pretendendo ser profesionais altamente cualificados sen relación entre eles.

Gisaengchung
Logo do filme.
Ficha técnica
Título orixinal	기생충
Director	Bong Joon-ho
Produtor	Kwak Sin-ae Moon Yang-kwon Bong Joon-ho
Guión	Bong Joon-ho Han Jin-won
Baseado en	Historia de Bong Joon-ho[1]
Intérpretes	Song Kang-ho Lee Sun-kyun Cho Yeo-jeong Choi Woo-shik Park So-dam[2]
Música	Jung Jae-il[1]
Fotografía	Hong Kyung-pyo[3]
Montaxe	Yang Jin-mo
Estudio	Barunson E&A[1]
Distribuidora	CJ Entertainment (Corea do Sur) Neon (Estados Unidos)
Estrea	Festival de Cannes: 21 de maio de 2019 30 de maio de 2019
Duración	132 minutos[4][5]
Orixe	Corea do Sur[1][4]
Xénero	Suspense
Orzamento	11 millóns de dólares[6]
Recadación	167,6 millóns de dólares[7]
Na rede
https://www.parasite-movie.com, https://www.madmanfilms.com.au/parasite e https://www.parasitemovie.co.uk

Gisaengchung tivo a súa estrea internacional no Festival Internacional de Cinema de Cannes de 2019 o 21 de maio de 2019, onde se converteu no primeiro filme coreano en gañar a Palma de Ouro e o primeiro filme en conseguilo con voto unánime dende La Vie d'Adèle do Festival de 2013. O filme estreouse en Corea do Sur a través de CJ Entertainment o 30 de maio de 2019 e no resto do mundo durante 2019 e comezos de 2020. Recibiu a aclamación da crítica, entrando en moitas clasificacións dos mellores filmes da década.^[10][11] Recadou 167,6 millóns de dólares en todo o mundo, converténdose no filme con maior recadación de Bong e de Corea do Sur.^[12]

Na 92ª edición dos Óscar, o filme conseguiu seis nomeamentos, e gañou catro premios, incluíndo mellor filme, mellor director, mellor guión orixinal e mellor filme internacional, converténdose no primeiro filme surcoreano en gañar o premio da Academia, así como o primeiro filme en lingua non inglesa en conseguilo. Na 77ª edición dos Globos de Ouro, o filme gañou o premio ó mellor filme en lingua non inglesa, e tamén recibiu catro nomeamentos ós BAFTA, gañando os premios de mellor filme en lingua non inglesa e mellor guión orixinal.

Personaxes

• Song Kang-ho como Kim Ki-taek, pai da familia Kim
• Lee Sun-kyun como Park Dong-ik, pai da familia Park
• Cho Yeo-jeong como Yeon-gyo, nai da familia Park
• Choi Woo-shik como Kim Ki-woo, fillo da familia Kim
• Park So-dam como Kim Ki-jeong, filla da familia Kim
• Chang Hyae-jin como Chung-sook, nai da familia Kim
• Jeong Ji-so como Park Da-hye, filla da familia Park
• Jung Hyeon-jun como Park Da-song, fillo da familia Park
• Lee Jung-eun como Gook Moon-gwang, como ama de chaves
• Modelo:Illm como Geun-sae, marido de Moon-gwang
• Park Geun-rok como Yoon, o chofer
• Jung Yi-seo como a xerente da pizzería
• Park Seo-joon como Min-hyuk (cameo)^[13]

Notas

1. CJ Entertainment, ed. (2019). "Parasite international press kit" (PDF). Arquivado dende o orixinal (PDF) o 10 de xaneiro de 2020. Consultado o 1 de xaneiro de 2020.
2. CJ Entertainment (ed.). "CJ ENM buyer site". Arquivado dende o orixinal o 01 de xaneiro de 2020. Consultado o 1 de xaneiro de 2020.
3. "BONG Joon-ho's PARASITE Claims Early Sales". Korean Film Biz Zone (en inglés). Arquivado dende o orixinal o 04 de febreiro de 2019. Consultado o 3 de febreiro de 2019.
4. Festival Internacional de Cinema de Cannes, ed. (2019). "GISAENGCHUNG – Festival de Cannes 2019". Arquivado dende o orixinal o 03 de setembro de 2019. Consultado o 1 de xaneiro de 2020. Country : SOUTH KOREA/Length : 132 minutes
5. "기생충". Naver Movie. Arquivado dende o orixinal o 08 de abril de 2019. Consultado o 8 de abril de 2019.
6. "영화 '기생충' 흥행 질주…손익분기점 400만명 눈앞". 3 de xuño de 2019. Arquivado dende o orixinal o 26 de xuño de 2019. Consultado o 19 de xaneiro de 2020.
7. IMDb (ed.). "Parasite (2019)". Box Office Mojo. Arquivado dende o orixinal o 04 de decembro de 2019. Consultado o 17 de xaneiro de 2020.
8. "PARÁSITOS". CODEX cinema (en castelán). Arquivado dende o orixinal o 04 de marzo de 2020. Consultado o 2020-03-04.
9. "Parásitos - Cinema - NUMAX". numax.org. Consultado o 2020-03-04.
10. "Best Movies of the Decade (2010-19)". Metacritic. Arquivado dende o orixinal o 01 de xaneiro de 2020. Consultado o 9 de decembro de 2019.
11. "2019 Critics Poll: The Best Films and Performances According to Over 300 Critics From Around the World". 27 de decembro de 2019. Arquivado dende o orixinal o 16 de decembro de 2019. Consultado o 17 de decembro de 2019.
12. "'Parasite' Sets New Record for Director Bong Joon-Ho at Indie Box Office". TheWrap (en inglés). 3 de novembro de 2019. Arquivado dende o orixinal o 04 de novembro de 2019. Consultado o 4 de novembro de 2019.
13. "Archived copy". entertain.naver.com (en coreano). Arquivado dende o orixinal o 26 de xuño de 2019. Consultado o 3 de febreiro de 2019.

Véxase tamén

Outros artigos

• Filmes de Corea do Sur propostos ó Óscar ó mellor filme internacional
• Filmes propostos ó mellor filme internacional na 92ª edición dos Óscar

Ligazóns externas

• Gisaengchung na IMDb (en inglés).
• Ficha en RottenTomatoes (en inglés)