![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/17/Badge_of_the_Indian_Air_Force.svg/langgl-640px-Badge_of_the_Indian_Air_Force.svg.png&w=640&q=50)
Forza Aérea da India
From Wikipedia, the free encyclopedia
A Forza Aérea da India (IAF) é a rama aérea das Forzas Armadas da India. O seu complemento de persoal e avións occupa o cuarto lugar entre as forzas aéreas do mundo.[1] A súa misión primaria é a de asegurar o espazo aéreo indio e o de realizar guerra aérea durante un conflito armado. Creouse oficialmente o 8 de outubro de 1932 como unha forza auxiliar do Imperio Británico que honrou o servizo da aviación da India durante a segunda guerra mundial co prefixo Royal (Real).[2] Despois de que o país gañase a súa independencia do Reino Unido en 1947, mantívose o nome de Real Forza Aérea da India e servía no nome do Dominio da India. Coa transición do goberno a unha república en 1950 quitouse o prefixo Royal.
Forza Aérea da India | |
---|---|
Indian Air Force भारतीय वायु सेना Bhāratīya Vāyu Senā | |
![]() | |
Activa | 8 de outubro de 1932 |
País | ![]() |
Tipo | forza aérea |
Papel | guerra aérea |
Tamaño | 139 576 persoal activo 140 000 persoal na reserva unhas 1 850 aeronaves |
Páxina web | indianairforce.nic.in |
Insignias | |
Insignia | ![]() |
Cola | ![]() |
Bandeira | ![]() |
Dende o ano 1950 a IAF participou en catro guerras contra o veciño Paquistán e nunha contra a República Popular da China. Outras grandes operacións na que participou a IAF foron a Operación Vijay, a Operación Meghdoot, a Operación Cactus e a Operación Poomalai. A Forza Aérea da India tamén participou en misións de paz das Nacións Unidas.
O Presidente da India mantén o rango de Comandante Supremo da IAF.[3] No ano 2017 o seu persoal en servizo era de 139 576 membros.[4][5] O Xefe do Estado Maior Aéreo, un mariscal xefe do aire, é un oficial de catro estrelas responsable da maior parte do mando operativo da Forza Aérea. Nunca hai máis dun mariscal xefe do aire servindo nun momento dado na IAF. O rango de Mariscal da Forza Aérea foi conferido polo Presidente da India nunha ocasión na historia, a Arjan Singh. O 26 de xaneiro de 2002 Singh converteuse no primeiro, e polo de agora único, oficial de cinco estrelas da IAF.[6]
![Thumb image](http://upload.wikimedia.org/wikipedia/commons/thumb/d/d1/The_first_batch_of_Rafale.jpg/640px-The_first_batch_of_Rafale.jpg)
![Thumb image](http://upload.wikimedia.org/wikipedia/commons/thumb/2/2e/Su-30_MKI_SB_065.jpg/640px-Su-30_MKI_SB_065.jpg)
![](http://upload.wikimedia.org/wikipedia/commons/thumb/b/b6/Apache_at_Air_Force_Day_Parade%2C_at_Air_Force_Station_Hindan%2C_in_Ghaziabad_%28cropped%29.jpg/640px-Apache_at_Air_Force_Day_Parade%2C_at_Air_Force_Station_Hindan%2C_in_Ghaziabad_%28cropped%29.jpg)
![Thumb image](http://upload.wikimedia.org/wikipedia/commons/thumb/5/58/Lockheed_C-130J-30_%27KC-3801%27.jpg/640px-Lockheed_C-130J-30_%27KC-3801%27.jpg)
![Thumb image](http://upload.wikimedia.org/wikipedia/commons/thumb/e/e3/Mi-8_at_Aero_India_2011_%28modified%29.jpg/640px-Mi-8_at_Aero_India_2011_%28modified%29.jpg)
![Thumb image](http://upload.wikimedia.org/wikipedia/commons/thumb/8/86/RK-3452_Indian_Air_Force.jpg/640px-RK-3452_Indian_Air_Force.jpg)
![Thumb image](http://upload.wikimedia.org/wikipedia/commons/thumb/8/86/Indian_air_force_dhruv_helicopter_j4042_arp.jpg/640px-Indian_air_force_dhruv_helicopter_j4042_arp.jpg)