![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b0/OrangeBloss_wb.jpg/640px-OrangeBloss_wb.jpg&w=640&q=50)
Flor de laranxeira
flor dalgúns cítricos / From Wikipedia, the free encyclopedia
A flor de laranxeira ou azar é a flor dalgúns cítricos, especialmente da laranxeira, de cor branca e moi aromática, que se utiliza en infusión e produtos de perfumaría[1]. Tamén adoita referirse ás flores do limoeiro e da cidreira. O nome azar procede do árabe hispánico azzahár, e este, do árabe clásico az-zahr (que significa flores). O nome asóciase popularmente coa flor de laranxeira, nome máis común en galego, a máis apreciada de todas pola súa beleza, recendo e propiedades, as cales son tradicionalmente consideradas terapéuticas.
![Thumb image](http://upload.wikimedia.org/wikipedia/commons/thumb/b/b0/OrangeBloss_wb.jpg/320px-OrangeBloss_wb.jpg)
![Thumb image](http://upload.wikimedia.org/wikipedia/commons/thumb/0/0a/Albatera_C._limon-1.jpg/640px-Albatera_C._limon-1.jpg)
O ingrediente esencial en varias infusións polas súas propiedades sedantes.[2] Da flor de laranxeira destílase tamén aceite esencial, aceite de flores de laranxeira ou neroli.
Este tipo de flor pode observarse durante a época primaveral non só nas leiras das citadas especies, senón tamén nas rúas e prazas de moitas cidades mediterráneas (en Andalucía: Málaga, Sevilla e Córdoba; Valencia e Murcia) coma árbore ornamental e a súa agradábel fragrancia invade o ambiente urbano.