![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6d/Esp%25C3%25ADrito_Santo_en_forma_de_pomba.jpg/640px-Esp%25C3%25ADrito_Santo_en_forma_de_pomba.jpg&w=640&q=50)
Espírito Santo
From Wikipedia, the free encyclopedia
O Espírito Santo é, para a maioría de confesións cristiás, a terceira persoa da Santa Trindade. Verdade fundamental do cristianismo, contido dun dogma apuntado xa no Concilio de Nicea e definido definitivamente polo primeiro concilio de Constantinopla. Recóllese, xa que logo, no chamado símbolo niceno-constantinopolitano ou Credo. Os cristiáns que non aceptan esta doutrina chámanse non trinitarios.
![Thumb image](http://upload.wikimedia.org/wikipedia/commons/thumb/6/6d/Esp%C3%ADrito_Santo_en_forma_de_pomba.jpg/640px-Esp%C3%ADrito_Santo_en_forma_de_pomba.jpg)
Segundo esta doutrina Deus, na súa Unidade, é Amor e, xa que logo, Comuñón interpersoal. A expresión difusiva e gratuíta dese Amor é o Espírito, que fai experimentar ao crente a entraña da divindade. O Home, en canto criatura feita a imaxe e semellanza de Deus, arela unha comuñón plena cos seus irmáns e con Deus no Espírito. O cumprimento desa arela é a Salvación.