Escravitude
situación pola cal unha persoa é propiedade doutra / From Wikipedia, the free encyclopedia
O termo escravitude[1] designa a condición social do escravo, un traballador non libre e, polo xeral, non remunerado,[2] que é xuridicamente a propiedade doutra persoa e, en consecuencia, negociábel, como un obxecto. En sentido lato, a escravitude ou escravismo é o sistema socioeconómico fundado sobre o mantemento e a explotación de persoas en ditas condicións.
- Para o artigo referido ao lugar do concello de Padrón chamado A Escravitude, véxase A Escravitude, Cruces, Padrón.
![Thumb image](http://upload.wikimedia.org/wikipedia/commons/thumb/e/e8/C%C3%A9dula_de_identificaci%C3%B3n_personal_o_%22carn%C3%A9_de_identidad%22_de_un_esclavo.jpg/640px-C%C3%A9dula_de_identificaci%C3%B3n_personal_o_%22carn%C3%A9_de_identidad%22_de_un_esclavo.jpg)
![Thumb image](http://upload.wikimedia.org/wikipedia/commons/thumb/d/d2/Slavery_in_Brazil%2C_by_Jean-Baptiste_Debret_%281768-1848%29.jpg/640px-Slavery_in_Brazil%2C_by_Jean-Baptiste_Debret_%281768-1848%29.jpg)
![Thumb image](http://upload.wikimedia.org/wikipedia/commons/thumb/b/b1/Anuncio.jpg/320px-Anuncio.jpg)
![Thumb image](http://upload.wikimedia.org/wikipedia/commons/thumb/4/41/Registro_de_esclavos.jpg/640px-Registro_de_esclavos.jpg)
Os escravos están obrigados a obedecer todas as ordes do seu amo desde o momento en que adquiren tal condición (sexa desde o nacemento ou noutro calquera momento da súa vida no que se efectuase o paso ao estado de escravo) ata o cesamento de tal status (por morte ou por ser liberado).
En tanto que propiedade, o escravo pode ser obxecto das transferencias inherentes á noción de propiedade: pode ser comprado, vendido e aínda alugado.
O escravo distínguese do cativo ou do forzado, condicións próximas polo estado de explotación, e da besta de carga, por un status xurídico propio, determinado polas regras e as leis en vigor no país e época considerada.
A Organización das Nacións Unidas conmemora o día 25 de marzo como o Día Internacional en Lembranza das Vítimas da Escravitude e a Trata Transatlántica de Escravos, co obxectivo de homenaxear e lembrar a todos aqueles que sufriron e morreron baixo o sistema de escravitude, así como xerar conciencia sobre os perigos do racismo e os prexuízos aínda existentes.[3][4]