Dungeons & Dragons
xogo de rol do xénero fantástico From Wikipedia, the free encyclopedia
xogo de rol do xénero fantástico From Wikipedia, the free encyclopedia
Dungeons & Dragons (abreviado coma D&D ou DnD, en galego Alxubes e Dragóns) é un xogo de rol de fantasía (RPG - do inglés Role Playing Game) orixinalmente deseñado por E. Gary Gygax e Dave Arneson, e publicado por vez primeira en 1974 por Tactical Studies Rules, Inc. (TSR). A editorial que edita actualmente é Wizards of the Coast, unha filial de Hasbro.
Dungeons & Dragons é un xogo ambientado na época Medieval europea. Os factores principais do xogo son os combates, as aventuras e as intrigas levadas a cabo a través do sistema normal de todo xogo de rol. Para iso emprega o sistema D20, un sistema de dados creado arredor do dado de 20 caras que é o máis empregado no xogo. Mediante tiradas dun dado de vinte caras (referido coma D20 en termos de xogos de rol), determínanse a maioría dos éxitos ou fracasos que un personaxe queira levar a cabo.
As influencias do xogo son escasas ou moi difusas dado que este é o primeiro xogo de rol de grande éxito. O contexto e o principio do xogo foron evolucionando a medida que as edicións saían á luz, pero as orixes proveñen seguramente da literatura existente antes da publicación do primeiro libro. O contexto do xogo recolle moitos mundos ideados anteriormente, principalmente polas razas de elfos, ananos, orcos, trasnos etc. concibidas ou recollidas da mitoloxía de diversos países como xa fixera J. R. R. Tolkien, coa súa saga de O señor dos aneis.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.